ტაგიგი
ნოღა ფილიპინეფს / From Wikipedia, the free encyclopedia
ტაგიგი (ოფიციალურო ნოღა ტაგიგი; ტაგ: Lungsod ng Taguig;) — პირველ კლასიშ მაღალურბანიზაფილი ნოღა ფილიპინეფს, 16 ნოღაშე ართ-ართი რე, ნამუთ აკმოქიმინჷნს ქიანაშ ონანანოღე რეგიონს — მეტრო-მანილა. იდვალუაფჷ ლაგუნა-დე-ბაიშ ბჟადალ წყარპიჯის. 2020 წანაშ მუნაჩემეფით, ნოღას ოხორანდჷ 886,722 ადამიერი დო თე მაძირაფალით ქიანას მე-8 აბანს რე. ტაგიგი ჩინებული რე ბონიფაციოშ გლობალური ნოღათ დო ფილიპინეფიშ ართ-ართ მაჸვენჯ ფინანსურ ცენტრის წჷმარინუანს. ტაგიგი მუნიციპალიტეტიშე მაღალურბანიზაფილ ნოღათ 2004 წანას, 8487-ა რესპუბლიკური აქტიშ უკულ გეგმიცხადჷ.
მაღალურბანიზაფილი ნოღა
|
ნოღა პოლიტიკურო 28 ბარანგაით ირთუ. ფილიპინეფიშ კონგრესის ნოღაშ წჷმმარინაფალეფიშ დო ნოღაშ სხუნუშ მაკათურეფიშ გიშაგორუაშ ღანკით ტაგიგი ირთუ ჟირ კანონმადვალუ რაიონო: პატეროსი დო ტაგიგი (იკათუანს პატეროსიშ მუნიციპალიტეტისჷთ) დო ტაგიგი.