ხასაბი
From Wikipedia, the free encyclopedia
ხასაბი თაშნეშე ელ-ხასაბი ვარდა ელ-ჰასაბი (არაბ. خصب) — ნოღა ომანიშ ოსულთანეს, მუსანდამიშ მუჰაფაზაშ დო კინ თე ჯოხოშ მაღვენი ვილაიეთიშ ადმინისტრაციული ცენტრი. ნოღა ქიანაშ ნანანოღა მასკატიშ ოორუე-ბჟადალშე 500 კმ-ს იდვალუაფუ, ექსკლავს, სქირონაშე გოხურგელი რე არაბეფიშ გოართოიანაფილი საამიროეფიშ ტერიტორიათ. მახორობა — 17 730 ადამიერი (2003). ნოღაშ არაბული ჯოხოდვლა მარგალურო გინითანგუ მუჭოთ ჸოფური. ხასაბშა თაშნეშე უჯოხონა „არაბული ნორვეგია“, თიშ გეშა, ნამჷ-და ნოღას მუკუ-მუკი ფიორდეფი დო მაღალი გვალეფი გოძჷ. ნოღას გოვითარაფილი რე ტურისტული დაივინგი (ჸვინთუა).
ნოღა
|
ხასაბი ომანიშ ნანანოღა მუსკატწკჷმა ოჰეერე რსხუ უღჷ. ხასაბიშ აეროპორტი, ნამუთ ნოღაშ ბჟადალშე იდვალუაფჷ, 2 500 მეტრი სიგჷრძაშ ეიოფურნალ-დაფურინალი საროტი უღუ. ნორას სუმი ოსუმარე უღუ.
ნოღაშე 2 კილომეტრის იდვალუაფჷ ონიშოლი ხასაბი, ნამუსჷთ შეულებჷ შხუ ოკრუიზე ნიშეფი.
![Thumb image](http://upload.wikimedia.org/wikipedia/commons/thumb/2/2c/Kashab_flickr01.jpg/640px-Kashab_flickr01.jpg)