ჯოხოსქილედი — რსულშანულამი ზიტყვა. უღჷ მეკონური შანულობა — შანენს „მეკონს“ ვარ-და „მოლინას“, მეკონიშ ნორთოს, ვარ-და მოლინეფიშ ედომუშამ ბუნას. უგამენს შეკითხირეფს „მი?“ (ოსური, კოჩი, მაგურაფუ, დავითი), „მუ?“ (ცხენი, ჸუდე, თელარა, ზუგდიდი).
ჯოხოსქილედი შილებე ორდას კონკრეტული ვარ-და აბსტრაქტული, ართამი ვარ-და დორხველი. შხვა ჯოხოეფწკჷმა ართო თინა აწურე ართჸურე კილოთეფს, მაჟირაჸურე — უდეტრეფს. ჯოხოსქილედიშ მორფოლოგიური შანეფი შხვადოშხვა ნინას შხვადოშხვანერი რე. სინთეზურ ნინეფს ჯოხოსქილედი იხასიათებუ ზიტყვამოთირუაშ დო ზიტყვაწარმებაშ კაბეტი ჸოფათ. ზიტყვასქვილს არსულენს ანდანერ სინტაქსურ ფუნქციას, ნამუეფშე თარი რე გიმედვალუშ დო გენაძინუშ გჷმოხანტუა. მარგალურ ნინას ჯოხოსქილედი ითირუე რთაფაშ დო რიცხუშ მეჯინათ. ანდა ნინას უღჷ თაშნეშე სქესიშ ვარ-და გრამატიკული კლასიშ კატეგორია. კანკალე ნინას (სამანგ., ჩინურს) ჯოხოსქილედი ფორმაუთირუ რე. ჯოხოსქილედი ირთაფუ. ართიანშე უღჷ გინორთი ართამ დო დორველ ჯოხოსქილედეფიშ რთაფას.
- ფეიქრიშვილი ჟ., ქართული ენის მორფოლოგია, ქუთ. 2010;
- შანიძე ა., ქართული ენის გრამატიკის საფუძვლები, ტ. 1, თბ., 1973;
- ქორთული სხუნუეფიშ ენციკლოპედია, ტ. 1, ხს. 584, ქართი, 1975 წანა.
ჯოხოსქილედი ვიქსიკონს |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.