ჸოთუაშ კიდა
From Wikipedia, the free encyclopedia
ჸოთუაშ კიდა, ბჟადალი კიდა ვარ-და ჰა-კოტელ ჰა-მაარავი (ურიულ. הַכֹּתֶל הַמַעֲרָבִי, აშქენაზური რაგადუათ: კოსელი) — იერუსალიმიშ ჯვეში ნოღას, ოხიდაშ გვალაშ ბჟადალი ლაკადაშ მუკი-მუკი დვალირი ჯვეში კიდაშ ნორთი (სიგჷნძათ 485 მეტრი), ნამუქჷთ ჯვ. წ. 70 წანას, რომაალეფიშით მაჟირა ოხიდაშ აკორღვაფაშ უკული გჷნასქიდჷნ. იუდაიზმიშ უკაბეტაში სიწიმინდე ოხიდაშ გვალაშ გალე.
ანდა ოშწანურეფიშ გოძვენას, ანდა ურიული გამნარყიშ რწუმაშ, იმენდიშ, გოხვამუაშ დო ხვამაშ სიმბოლო რე. არძაშე ორდოშიანი წყუ, ნამუთ ურიეფს კიდას მეთმურსხუანსჷნ, IV ოშწანურათ ითარიღებჷ. XX ოშწანურაშ დაჭყაფუს, სიონისტური ყარაფიშ გოჭყაფაშე, ჸოთუაშ კიდაქ ურიულ ჯარალუაშ დო მუსლიმანი რელიგიურ ლიდერეფს შქას ართ-ართი უთანხმებაშ სამანჯელო გჷნირთჷ.