ანდეფი (ესპ. Andes; Cordillera de los Andes) — არძოშე გჷრძე (9000 კმ) დო მოსოფელს სიმაღალათ მაჟირა (აკონკაგუა 6962 მ) გვალეფიშ სისტემა დიხაუჩას (ჰიმალაიშ გვალეფიშ სისტემაშ უკული). იდვალუაფუ ობჟათე ამერიკას დო კონტინენტიშ ედომუშამი ბჟადალ ტერიტორიას იკენს. ანდეფს მოსოფელიშ თარი დო არძოშე დიდი წყარგჷმართუშ სისტემათ მითმირჩქინანა. ანდეფს ნადუს ეთმეჭოფუნს ობჟათე ამერიკაშ არძოშე დიდი წყარმალუეფი: ამაზონი, ორინოკო, პარაგვაი, რიო-ნეგრო დო თ. უ.
ანდეფს იდვალუაფუ მუსხირენ უდიდაში ობჟათეამერიკული ნოღა: კიტო, ბოგოტა, ლა-პასი, სუკრე, არეკიპა, მედელინი.
თაქ იდვალუაფუ ალტიპლანოშ გაბარი, მოსოფელს სიმაღალათ მაჟირა რე ტიბეტიშ გაბარიშ უკული. ანდეფი კონტინენტიშ შკვით სახენწჷფოს იკენს, თენეფი რე: არგენტინა, ბოლივია, ჩილე, კოლუმბია, ეკვადორი, პერუ დო ვენესუელა. კანკალეს თინეფშა ანდური ქიანეფი უჯოხო.
ანდეფს იდვალუაფუ მოსოფელიშ არძოშე მაღალი ვულკანი ოხოს-დელ-სალადო (6 893 მ) არგენტინა-ჩილეშ ხურგას, თაშნეშე 50 შხვა ვულკანი, ნამუშ უმაღალაში ჭურჭულეფი ზუღაშ დონეშე 6 000 მეტრშ სიმაღალას იდვალუაფუ.
რესურსეფი ინტერნეტის
- ანდეფიშ გეოლოგია (University of Arizona) Archived 2005-09-22 ვებ-ხასჷლას Wayback Machine.
- ანდეფიშ კლიმატი დო ჩხოლარეფიშ ორენი Archived 2007-12-14 ვებ-ხასჷლას Wayback Machine.
- ანდეფიშ რეგიონეფი დო მიკრორეგიონეფი
- ობჟათე ამერიკაშ გვალეფიშ ედომუშამი ერკებული
 |
თე სტატია გვალეფიშენი დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
