From Wikipedia, the free encyclopedia
დრამა ეპოსი დო ლირიკაწკჷმა ართო წჷმარინუანს ლიტერატურაშ სუმი თარი ჟანრეფშე ართ-ართის, თეშ გალე, ზოხოშური პიესასჷთ შილებე დრამა დუძახათჷნ. თეატრის თარი რე დრამა, ანუ ტექსტი. თაშ ნამდა დრამა ლიტერატურული ფორმა რე, ნამუთ მიშმეკათუანს მსახიობეფშო დოჭარილი სცენარიშ მოთებას, როლიშ გოსახიერაფას.
ტერმინი ბერძნულშე (δράμα [dráma]) მარგალურო ‛ქიმინუას’, ‛მოქმენდალასს’ ეთმოღანკუნს.
დრამაქ შილებე იხორციელას მუსხირენი ფორმათ : შურდგუმლი შერსულებათ თეატრის, ფილმის, ტელევიზიათ.
არისტოტელეშ ალაფათ დრამაშ თარი შანი რე მოქმედენდალაშ წჷმორინაფა დიალოგეფიშ მეშქაშალათ. წორეთ თე შანით თინა იშხვანერაფუ ანტიკური ხანაშ თხობელური ეპოსიშე, ოდო ახალ ბორჯის რომანშე.
თეხანური აზჷრით დრამა თიშო იჭარუ, ნამდა მსახიობიქ ქილაჸაფას თეატრის. თე ბაძაძიშ გეშა ხშირას დრამატურლი ნაწარმონაფიშ ტექსტური ვერსია იკათუანს მეწურაფეფს მსახიობშო, ოდო XX ოშწანურაშე რეჟისორშოთ.
წიგნის, ანუ თ.გ. ოკითხირალი დრამა რე საგანგებო ფორმა, ნამუთ უპირველაშ ირიში მაკითხეშა და მაკითხეშო რე გოკოროცხილ-გორხველაფირი დო ვართ სასცენოთ.
დრამა ხშირას დორთილიე აქტეფო, ოდო აქტეფი სცენეფო დო სურათეფო.
კლასიკური ფრანგული დრამა (რასინი, კორნელი) ირთუ 5 აქტო, იტალიური დრამა, ნამუთ საოპერო ტრადიციეფწკჷმა რე (მეტასტაზიო) მერსხილინ 3 აქტის ანიჭენს ჯგვინას.
ევროპული დრამაქ გიჭყუ ჩქინი წანაეკოროცხუაშე V ოშწანურაშ ათენს. ესქილე, სოფოკლე, ევრიპიდე რდეს ტრაგედიაშ არძაშე გჷშაგორილი ავტორეფი. არისტოტელექ მოგვიანაფილო მუში პოეტიკას ტრაგედია გაგმორთჷ კომედიაშე. მოგვიანაფილო ანტიკური დრამაქ რენესანსიშ ფარანს გიფუშქუ.
ჯვეშო დრამეფს ლექსფო ჭარუნდეს, მარა ახალბორჯის დიალოგური ფორმათ გომანჯაფილი პიესეფს უმენტაშაფა რე პროზა.
მუ რაგადი ოკო რაგადი, არგამა ვართ თინა რე, დრამეფს იჩიებუდეს: 1600 წანაშე ოპერა მიაზჷრუაფჷ კლასიკური ბერძნული დრამაშ ათნერი ეფუშქუა. (ქძ. ფლორენციული კამერატა)
18 ოშწანურაშე მოჸუნაფილი მეურს ჩჷნებეფიშ (დრამა, ტრაგედია, კომედია, ბიურგერული დრამა, ოხასიათე პიესა) შანულობეფიშ ართიანშა მიშაწყორუა. ოდო 19 ოშწანურაშე ტერმინი მელოდრამას, ნამუსუთ გჷშაკერძაფილო ღიაბგჷმარიებუ, სენტიმენტალური დო ინტრიგეფით ეფშა ქიმინჯალეფი ახასიათენს, ბრელი დრამაშ სინონიმოთ გჷმირინუანს.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.