ვიკიპედია
From Wikipedia, the free encyclopedia
ვიკიპედია (ინგლ. Wikipedia) — მიარენინამი, დუდიშული, ღილე ვიკი-ენციკლოპედია. ვიკიპედიაქ დირსხუ 2001 წანაშ 15 ღურთუთას, მუჭოთ ინგლისურნინამ პროექტიქ ონლაინ-ენციკლოპედიაშ, სოდეთ ნამუდგარდია ადამიერს შეულებჷ მიშეღას თირაფეფი დო გეძინეფინ. პროექტიშ ორგანიზატორი რე ამერიკული ფონდი ვიკიმედია.
ვიკიპედია | |
მიოწურაფუ | www.wikipedia.org |
---|---|
ნინა | მიარენინამი |
მინჯე | ფონდი ვიკიმედია |
საიტიშ ტიპი | ენციკლოპედია |
რეგისტრაცია | ვა რე უციო |
დჷმარსხუაფალი | ჯიმი უეილსი |
გოტებაშ თარიღი | 2001 წანაშ 15 ღურთუთა |
მოგება | ვაკომერციული |
სტატუსი | მოქიმინჯე |
პროექტიშ ღანკი რე ქჷდირსხუას რსული, უგილაკერზაფუ, ოავტორე ნებეფიშე დუდიშული ენციკლოპედიაქ მოსოფელიშ არძო ნინაშა. ვიკიპედიაქ ინტერნეტიშ მახვარებუეფ შქას პოპულარობა ქჷმიპალუ დო უკული, გორჩქინდჷ თიშ ვარიანტეფქ შხვა ნინეფშა, თინეფ შქას მარგალური ნინაშათ. ათე ბორჯიშო მარგალურ ვიკიპედიას 16,500 ვითოშიშე უმოსი სტატია რე.
ინგლისურნინამ გჷმნართი ასეშო არძოშე კაბეტი რე დო იკათუანს სუმ მილიონშახ სტატიას. თის მოჸუნა: გერმანული დო ფრანგული ვიკიპედიეფი მილიონშე უმოსი სტატიათ, პოლონური, იტალიური, იაპონური, ესპანური, ჰოლანდიური, პორტუგალიური დო რუსული ვიკიპედიეფი გვერდი მილიონშე უმოსი სტატიათ. გვალო ვიკიპედია 283-შახ ნინაშა იხაზირუ.