ინდოეთიშ ნინეფიშ ერკებული
From Wikipedia, the free encyclopedia
ინდოეთის 447 შხვადოშხვა ნინაშა დო 2000 დიალექტშა რაგადანა. ინდოეთიშ კონსტიტუციას ჭარჷ, ნამჷ-და ჰინდი დო ინგლისური ნაციონალური თარობაშ ჟირი ოხანდე ნინა რე, ანუ სახენწჷფო ნინეფი რე. თეშ მოხ, ოფიციალური სტატუსი ხოლო უღჷ 22 ნინას (scheduled languages), ნამუსჷთ გჷმირინუანა ინდოეთიშ შტატეფიშ თარობეფი, შხვადოშხვა ადმინისტრაციულ ღანკეფშო.
დოგეგმილი რდჷ, ნამჷ-და 1965 წანას, ინგლისურ ნინას სახენწჷფო ნინაშ სტატუსი ვაღვენუდჷ დო "გეძინელი სახენწჷფო ნინაშ" სტატუსი აღვენუაფუდჷ თიმ ბორჯიშა, სოიშახ ჰინდიშა გინულა ედომუშამასშტაბურო ვეთებუდუნჷ. მარა კანკალე შტატიშ პროტესტიშ გეშა, თექ სოდე ჰინდი ვეგჷმირინუაფუდუ, სიტუაცია ვათირელე, დო კინე ჟირი ნინაქ ქჷდოსქიდჷ სახენწჷფო ნინათ. მალასიანი ინდუსტრიალიზაციაშ დო ეკონომიკას მიარენაციონალური გოლინაშ გეშა, ინგლისური ნინა სახენწჷფო მართუალას დო ბიზნესის პოპულარულ დო გოლინამი ოურთიართობე საშვალებათ დუთმოსქჷდუ.