ინდოეთიშ შილა
From Wikipedia, the free encyclopedia
ინდოეთიშ ერუანული შილა — ინდოეთიშ ართ-ართი სახენწჷფო სიმბოლო. შილა ჰორიზონტალური, თინკუნთხუამი სუმფერამი რე — ჸვინთელპირიშფერი, ჩე დო წვანე. ჩშქას გეხანტჷ 24 თოლამი აშოკა ჩაკრა. თეხანური ფორმათ მიღებულ რე 1947 წანაშ 22 კვირკვეს, ოკანონმადვალე ასამბლეაშით, მუჟამსჷთ თიქ ინდოეთიშ დომინიონიშ ოფიციალურ შილათ გჷნირთჷნ. უკული თე შილა ქჷდიტუ ინდოეთიშ რესპუბლიკაქ. ინდოეთის, ზიტყვა სუმფერამი (ჰინ. तिरंगा, Tirangā) დახე ირო ინდოეთიშ ერუანულ შილას შანენს. შილა გერსხჷ პინგალი ვენკაიაშით გოჭყაფილჷ ინდოეთიშ ერუანული კონგრესიშ შილას.
ინდოეთიშ სახენწჷფო შილა | |
ინდოეთი | |
მეღებული რე: 22 კვირკვე 1947; 76 წანაშ კინოხ (1947-07-22) | |
ავტორი: პინგალი ვენკაია | |
წიმოხიანი შილეფი | |
---|---|
|
კანონიშ მეჯინათ, შილა კეთებული ორდას-ოკო კჰადიშე — ხეთ გოშლერი ბამბეშ ვარ-და აბრეშუმიშ ნოჭკერიშ სპეციალური ტიპიშე.
შილაშ გმორინაფა იმართჷ ინდოეთიშ შილაშ კოდექსით დო ერუანულ სიმბოლიკაწკჷმა მერსხილი შხვა კანონეფით. კოდექსი ვარენს შილაშ გჷმორინაფას მენოღალეეფიშით ერუანული დღალეფიშ მოხ, სამანგათ ზოხორინალაშ დო რესბუბლიკაშ დღაში.