ბრიტანალ-ამერიკალი რეჟისორი From Wikipedia, the free encyclopedia
კრისტოფერ ნოლანი (დ. 30 კვირკვე, 1970) — ბრიტანალ-ამერიკალი რეჟისორი, სცენარისტი დო პროდიუსერი. თიში არძაშე ჩინებული ფილმეფი რე ფსიქოლოგიური თრილერი „მემენტო“ დო „წკურუმია აიარი“, ნამუეფით დეინალჷ ჯოხონობა.
კრისტოფერ ნოლანი | |
ჯოხო დაბადებაშვანს |
კრისტოფერ ედუარდ ნოლანი[1] |
---|---|
მოღალობა |
კინორეჟისორი, სცენარეფიშ ავტორი, კინოპროდიუსერი |
ბიოგრაფიული ჩინებეფი
| |
დაბადებაშ თარიღი | |
დაბადებაშ აბანი | |
მენოღალობა |
1998–ამდღარშა |
ალმასქუ | |
სქუალეფი |
4 |
ნოლანქ ორეჟისორე კარიერა დიჭყჷ ფილმით „თხოზინი“ 1998 წანას. თისი მაჸუნჷ ფსიქოლოგიური თრილერქ „მემენტო“, მუშოთ თიქ ოსკარს ნომინაცია დეინალჷ საუჯგუშო ორიგინალური სცენარიშო. 2002-2006 წანეფს გიშართჷ კრისტოფერიშ ფილმეფქ, „ინსომნია“, „ბეტმენი: დაჭყაფური“ დო „პრესტიჟი“. ნოლანიშ უკულიანი ბლოკბასტერიშ, „წკურუმია აიარიშ“ მუშნალქ მილიარდ დოლარს გინაძინჷ დო წანაშ არძაშე მუშნალიანი სურათიქ იჸუ. 2010 წანას თიქი ხოლო ართი ფილმი გინიღჷ Warner Bros.-შო. „დაჭყაფური“ თიში მაართა დო აკა ფილმი რე, ნამუქჷთ ნომინაცია დეინალჷ ოსკარს საუჯგუშო სურათიშო, მორო ულებუო კრისტოფერ ნოლაქ ვამოხვადჷ ნომინანტ რეჟისორეფიშ ერკებულს.[2] 2012 წანაშ 16 კვირკვეს, ნოლანიშ რეჟისორალათ, გიშართჷ ბეტმენიშ მასმა დო ნასხუნა ნორთიქ, „წკურუმია აიარი: ეულა“. თინა ხოლო რე „ფულანდიშ ადამიერიშ“ პროდიუსერი, ნამჷთ რეჟისორქ ზაკ სნაიდერქ გინიღჷ. 2014 წანას გიშართჷ თიში დიოდიო ეკონია ფილმიქ „მურიცხეფშქაშური“.
თინა შხირო მუშენს მუში ჯიმაწკჷმა, სცენარისტ ჯონათან ნოლანწკჷმა დო არტისტეფწკჷმა, კრისტიან ბეილწკჷმა დო მაიკლ კეინწკჷმა ართო. ნოლანი რე კომპანია Syncopy Films-იშ ალმარსხუაფალი ალმასქუწკჷმა, ემა თომასწკჷმა ართო. უღუ ამერიკაშ აკოართაფილი შტატეფიშ დო გოართიანაფილი ომაფეშ ჟირმანგა მენოღალობა.
კრისტოფერ ნოლანქ დებადჷ ლონდონს 1970 წანაშ 30 კვირკვეს.[3] მუამუში ორეკლამე საქვარით დაკინებული ინგლისარი რდჷ, დიამუში ამერიკალი სტიუარდესა.[4][5] თიქი ბაღანობა იღჷ ლონდონს დო ჩიკაგოს. შქვითი წანაშ ასაკის თინაქ დეინტერესჷ კინემატოგრაფიათ. თიშე გოლინა იმოქინჯალჷ ჯორჯ ლუკასიშ მურიცხული ლჷმეფქ, ნამუეფქჷთ 1977 წანას გიშართჷ.[6] ფილმი, ნამუქჷთ გოლინა მოქიმინჯალუნ თიში კარიერას რდჷ რიდლი სკოტიშ ყამას გილმარულარი.[7]
ნოლანქ გონათაფა მიღჷ ჰაილიბერიშ კოლეჯის, ჰერთფორდშირს, ინგლისის დო უკული გურაფლენდჷ ინგლისურ ლიტერატურას ლონდონიშ ოუნივერსიტეტე კოლეჯის. პარალელურო თინა მუშენდჷ მუსხირენ კუნტამეტრაჟიან ფილმის კოლეჯიშ კინოკათაწკჷმა ართო. თიში მაართა ფილმიქ, ტარანტელაქ ნაძირეფქ იჸუ 1989 წანას Image Union-ს, PBS-იშ ოტელევიზიე გინოჩამას. ხირუას დო Doodlebug-ს ლაჸაფენდჷ ჯერემი თეობალდი, ნამუქჷთ უკული გასახიერჷ თარი გერგეზი კრისტოფერ ნოლანიშ მაართა სრულმეტრაჟიან ფილმის, თხოზინი.[8]
ნოლანქ გინიღჷ მუში მაართა სრულმეტრაჟიანი ფილმი თხოზინი 1996 წანას. ფილმი მომითხობელუანა ჭარუშე, ნამუსჷთ მერჩქვანელი რე უჩინებუ ადამიერეფიშ თხოზინი დო თოლორუა. სურათიშ ბიუჯეტი გვალო მუდგარენი $6,000-ს აკადგინადჷ.
ნოლანქ უკულიანი ფილმიშო სცენარი ჭარჷ მუში უკლაში ჯიმაშ, ჯონათან ნოლანიშ უგუმოქიანებუ თხობელუაშ, "Memento Mori–იშ" მეჯინათ.კრისტოფერი დუდშე სურათიშ მონრეალს გინოღალა ულამუდჷ, მორო თინა ლოს–ანჯელესით დოთირუ.[9] თარი როლი ბრედ პიტის ოკო ულაჸაფინუდუკო, მორო ბორჯიშ უღონობაშ გეშა თიქ პროექტი დიტუ. ხოლო გინიჯინედჷ აარონ ეკჰარტი დო თომას ჯეინი, მორო ნოლანქ გინოჭყვადჷ როლი ნარკებო ჩინებული არტისტი გაი პირსი ისხუნუ.[10]
მემენტოშ პრემიერაქ იყუ ვენეციაშ კინფესტივალს 2000 წანაშ ეკენიას.[11] თიქი დეინალჷ კრიტიკოსეფიშ მოწონა დო ნომინირაფილი რდჷ ორქოშ გლობუსის დო აკადემიაშ ჯილდოს საუჯგუშო ორიგინალური სცენარიშო.
2002 წანას ნოლანქ გინიღჷ ინსომნია, 1997 წანაშ თი ჯოხონობაშ ნორვეგიული ფილმიშ ამერიკული რემეიქი. სურათი მომითხობელუანა ჟირი დეტექტივიშენ, ნამუეფით მეულა ალასკაშა ალაგიშ პოლიციაწკჷმა ართო ჸვილუაშ ორკვიებელო. ფილმის ოკათუნა: ალ პაჩინო, რობინ უილიამსი დო ჰილარი სვონკი.
1997 წანას Warner Bros.-ქ ბეტმენი დო რობინიშ გლახა ფასებაშ დო ჭიჭე მუშნალიშ გეშა გინოჭყვიდჷ ბეტმენიშ ახალი ფილმიშ გინოღალა გინოსანძღურუ ვადათ გინოდვალა. 2003 წანას ნოლანქ ბლეიდიშ სცენარისტწკჷმა, დევიდ ს. გოიერწკჷმა ართო დარწუნჷ სტუდია, ნამდა რისკიშა ულინუდუკო დო ბეტმენიშ ახალი სურათი თაშიო თეშიო უჩინებუ რეჟისორის მიანდესუკონჷ.[12][13] ბეტმენი: დაჭყაფური გიშართჷ 2005 წანაშ 15 მანგის დო წანაშ არძაშე მაღალმიშნალუამი ფილმეფიშ ეკერეცხის მაჩხორა აკანი დეკინჷ. ფილმის ოკათუნა კრისტიან ბეილი (ბეტმენი), მაიკლ კეინი (ალფრედ პენივორთი), ლიამ ნისონი (რა'ს ალ გული), გერი ოლდმენი (ჯეიმზ გორდონი) დო მორგან ფრიმენი (ლუციუს ფოქსი).
ნოლანიშ უკულიანი პროექტი რდჷ პრესტიჟი, დორსხუაფილი კრისტოფერ პრიესტიშ ათე ჯოხონობაშ რომანს. Newmarket Films-ქ წინგიშ ადაპტაციაშ ნება დიო ხოლო 2001 წანას იჸიდჷ.[14] თიქი სცენარიშ ჭარუას დოხვარა თხუ მუში ჯიმას, ჯონათანს.[14] 2005 წანას, ბეტმენი: დაჭყაფურიშ უკული ნოლანქ გაახლჷ პროექტი, კრისტიან ბეილწკჷმა დო ჰიუ ჯეკმენწკჷმა მორაგადაფათ.[15] ჯიმალეფქ სცენარს მუშობა 2006 წანაშ 13 ღურთუთას დარსულჷ, სუმ დღაშა ფილმიშ გინოღალეფქ დიჭყჷ. ფილმის ოკათუნა: კრისტიან ბეილი, მაიკლ კეინი ჰიუ ჯეკმენი, სკარლეტ იოჰანსონი დო დევიდ ბოუი.
პრესტიჟიშ გიშულაშე მუსხირენ თუთაშა ნოლანქ გაცხადჷ, ნამდა თინაქ დართჷ ბეტმენი: დაჭყაფური-შ გაგინძორებაშ გინოღალას.[16] 2006 წანაშ კვიკვეს, ფილმის გიადუ, მუჭოთ წკურუმია აიარი, ხოლო ჯოკერიშ როლს დანტკიცესჷ ჰით ლეჯერი.
წკურუმია აიარიშ გიშულაშ უკული Warner Bros.-ქ ნოლანწკჷმა დოდჷ კონტრაქტი თიში უკულიანი პროექტის, დაჭყაფური. მინი წყუშ მეჯინათ მორაგადაფა Warner Bros. Pictures-ს დო ნოლანიშ შქას გითოლწონუანდჷ თისი, ნამდა დაჭყაფურიშ უკული ნოლანი დიჭყანდჷ მუშობას მილიარდიანი მიშმალუშ მაღვენჯი წკურუმია აიარიშ გაგინძორებაშ გეშა. [17] მელახიშ დაჭყაფურს ფილმის ლეონარდო დიკაპრიოქ ქაკათჷ. [18] თარი როლეფიშ ორსულებერო დანტკიცეს მარიონ კოტიარი, სილიან მერფი, ელენ პეიჯი, ჯოზეფ გორდონ-ლევიტი, მაიკლ კეინი, კენ ვატანაბე დო ტომ ჰარდი.
2012 წანას ნოლანქ გინიღჷ ბეტმენიშ ტრილოგიაშ დათებუ, — „წკურუმია აიარი: ეულა“. კრისტოფერიშ დო გოიერიშ დორსხუაფილი ისტორიაშ მეჯინათ სცენარი ჭარჷ ჯონათან ნოლანქ დო მუქი კრისტოფერქ.[19][20] ფილმიქ კინოთეატრეფს 2012 წანაშ 20 კვირკვეს გიშართჷ დო კრიტიკოსეფიშ მოწონება დეინალჷ.
2013 წანაშ ღურთუთას ჩინებულქ იჸუ, ნამდა ნოლანი გინიღანდჷ ომეცნიერე-ფანტასტიკურ „მურიცხეფშქაშურს“. სცენარიშ მაართა ვერსია ჯონათან ნოელქ ჭარჷ, რეჟისორო სტივენ სპილბერგიქ ირაგადჷ.[21] როლეფს დენტკიცესჷ: მეთიუ მაკ-კონეჰი, ენ ჰეთეუეი, ჯესიკა ჩესტეინი, ბილ ირვინი დო ელენ ბიურსტინი. კრისტოფერქ მაართათ იმუშუ ოპერატორ ჰოიტე ვან ჰოიტემაწკჷმა. მუსიკა ფილმიშო ჭარჷ ჰანს ციმერქ.[22] სურათიქ 2014 წანაშ 5 გერგობათუთას გიშართჷ დო კრიტიკოსეფიშ კითიშ მოღირიკუა დეინალჷ. „მურიცხეფშქაშურიქ“ წუმოძინელქ იჸუ ფინანსურო, — თიში ათეჟამო მიშნალი $670 მილიონს ოძინუ.
ნოლანი დო ემა თომასი ემარსულებერი პროდიუსერეფი რენა ფილმიში „ბეტმენი სუპერმენიშ აწმარენჯო: სამართალიანობაშ ბადება“, ნამუქჷთ 2016 წანას გიშართჷ ზაკ სნაიდერიშ რეჟისორალათ.[23]
კრისტოფერ ნოლანი გურგინელი რე ემა თომასიწკჷმა, ნამჷთ თიქი ლონდონიშ ოუნივერსიტეტე კოლეჯის გურაფას გეჩინებაფუ. ჭკობაქ 1997 წანას იგურგინჷ დო ლოს ანჯელესის სქუალეფწკჷმა, ფლორაწკჷმა, ოლივერწკჷმა, რორიწკჷმა დო მაგნუსწკჷმა ართო ოხორანს.
კრისტოფერი რე მეკვარჩხანე[6] დო დალტონიკი, ნამჷსთ ვეგშაგორე ართიანშე ჭითა დო წვანე.
არტისტი | თხოზინი | მემენტო | ინსომნია | ბეტმენი: დასაწყისი | პრესტიჟი | წკურუმია აიარი | დაჭყაფური | წკურუმია აიარი: ეულა | მურიცხეფშქაშური |
---|---|---|---|---|---|---|---|---|---|
კრისტიან ბეილი | |||||||||
კენ ვატანაბე | |||||||||
ჯერემი თეობალდი | |||||||||
მაიკლ კეინი | |||||||||
კილიან მერფი | |||||||||
გერი ოლდმენი | |||||||||
მორგან ფრიმენი | |||||||||
მარკ ბონი ჯუნიორი | |||||||||
ტომ ჰარდი | |||||||||
გუნდი | თხოზინი | მემენტო | ინსომნია | ბეტმენი: დაჭყაფური | პრესტიჟი | წკურუმია აიარი | დაჭყაფური | წკურუმია აიარი: ეულა |
---|---|---|---|---|---|---|---|---|
ემა თომასი | ||||||||
ჯონათან ნოლანი | ||||||||
დევიდ გოიერი | ||||||||
ვოლი პფისტერი | ||||||||
დოდი დორნი | ||||||||
ლი სმითი | ||||||||
დევიდ ჯულიანი | ||||||||
ჰანს ციმერი | ||||||||
ჯეიმზ ნიუტონ ჰოვარდი | ||||||||
წანა | ფილმი | წურაფილი რე, მუჭოთ | დისტრიბუცია | მუშნალი | ||
---|---|---|---|---|---|---|
რეჟისორი | პროდიუსერი | სცენარისტი | ||||
1998 | თხოზინი | იახა | იახა | იახა | Momentum Pictures Zeitgeist Films |
0.24 მილიონი ააშ დოლარი |
2000 | მემენტო | იახა | იახა | Summit Entertainment | 40 მილიონი ააშ დოლარი | |
2002 | ინსომნია | იახა | Warner Bros. | 114 მილიონი ააშ დოლარი | ||
2005 | ბეტმენი: დაჭყაფური | იახა | იახა | 374 მილიონი ააშ დოლარი | ||
2006 | პრესტიჟი | იახა | იახა | იახა | Buena Vista Pictures Warner Bros. |
110 მილიონი ააშ დოლარი |
2008 | წკურუმია აიარი | იახა | იახა | იახა | Warner Bros. | 1,005 მილიონი ააშ დოლარი |
2010 | დაჭყაფური | იახა | იახა | იახა | 826 მილიონი ააშ დოლარი | |
2012 | წკურუმია აიარი: ეულა | იახა | იახა | იახა | 1,084 მილიონი ააშ დოლარი | |
2013 | ადამიერი ფულანდიშე | იახა | ამბავი | 668 მილიონი ააშ დოლარი | ||
2014 | უმოსობა | აღმ. | 103 მილიონი ააშ დოლარი | |||
მურიცხეფშქაშური | იახა | იახა | იახა | Warner Bros. Paramount Pictures |
672 მილიონი ააშ დოლარი | |
2016 | ბეტმენი სუპერმენიშ აწმარენჯო: სამართალიანობაშ მორღია | აღმ.[23] | ||||
2017 | დიუნკერკი | იახა | იახა | იახა |
წანა | ფილმი | წურაფილი რე, მუჭოთ | ||||||
---|---|---|---|---|---|---|---|---|
რეჟისორი | პროდიუსერი | სცენარისტი | ||||||
1989 | ტარანტელა | იახა | იახა | იახა | ||||
1996 | ხირუა | იახა | იახა | იახა | ||||
1997 | ნჯილობუტუტია | იახა | იახა | იახა |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.