მითოლოგია
From Wikipedia, the free encyclopedia
მითოლოგია (ბერძენ. μυθολογία, μῦθος მითოს — ამბე, გინოჩამა; λόγος ლოგოს — მოძღვარება) — მითეფიშ დჷმაგურაფალი დარგი, თაშნეშე მითფიშ ართობურობა. მითოლოგია, მუჭოთ მენცარობა, დჷთმიგურუანს მითეფიშ წჷმოულობას, დინორეს, კლასიფიკაციას დო გოფაჩუას. მითეფი წჷმარინუანა ნარაგადუეფს ღორონთეფიშ, გგერგეზეფიშ, დემონეფიშ, შურეფიშ, ორთაშ მოლინეფიშ, ოქიანუშ დო ცაშური რსხულეფიშ წჷმოულობაშენ დო ოძირანა ადამიერფიშ წჷმორინეფს ორდოკლასობურ ჯარალუას.
არძაშე გოფაჩილი რე ჯვეში საბერძნეთიშ, ეგვიპტეშ, ინდოეთიშ მითეფი. მითოლოგიაქ ოშწანურეფიშ გოძვენას ოსხირ მეჩჷ ლიტერატურას, ხელუანობას, ფილოსოფიას, ნინეფს, ნამუეფით ამდღა ხოლო ივითარებჷნა მითოლოგიათ. მითი უგურთუ ნორთი რე ირი რელიგიაშო.