![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8f/Semitic_languages.svg/langxmf-640px-Semitic_languages.svg.png&w=640&q=50)
სემიტური ნინეფი
From Wikipedia, the free encyclopedia
სემიტური ნინეფი — აზიაშ დო აფრიკაშ კონტინენტის გოფაჩილი მოჯგირე ნინეფი, ნამუეფიშ ფიქსირაფილი ისტორია 6 ვითოშ წანას იკათუანს. სემიტურ ნინეფს გჷთმორთჷნა ბჟაეიოლ (აქადური — მესოპოტამიას) დო ბჟადალ ჸალეფო. ბჟადალური მუშჸურე ირთუ ოორუე სემიტურო (ამორეული, უგარითული, არამეული, ურიული, მოაბური, ფინიკიური), ნამუეფით სირია-პალესტინას რე გოფაჩილი, დო ობჟათე სემიტურო (არაბული, ეთიოპიური), ნამუეფით არაბეთიშ ჩქონს დო აფრიკაშ კონტინენტის რე გოფაჩილი. ბორჯეფიშ გოძვენას გჷმორინაფაშე გეგშართჷ ზოხო სემიტურ ნინეფქ, ვარდა თე დო თი ნინაშ გორკვიაფილ დიალექტეფქ. ასე თელ ნინეფო ვეკოროცხუ აქადური, ამორეული, ფინიკიური დო უგარითული, არამეულიშ დო ეთიოპიურიშ ედომუშამი რანწკი ლიტერატურული დიალექტეფი, თინეფს შქას კლასიკური სირიული, მანდეური, გეეზი. XX ოშწანურაშ 20-იან წანეფშახ ჸოფე თოლწონუა, ნამჷ-და სემიტური ნინეფი აკმოქიმინჷნა ართ ნინობურ ფანიას, ნამუთ იხასიათებუ მორფოლოგიური დო სინტაქსური სტრუქტურაშ საართო ტიპით, სიმსეფიშ ომანგურობაშ კონწარი კანონზჷმიერებათ. უკულ თეს აწუდირთჷ მოარზაფაქ სემიტური დო თ.ჯ. ქამიტური ნინეფიშ გენეტიკური ართიანობაშ გეშა.
![Thumb image](http://upload.wikimedia.org/wikipedia/commons/thumb/8/8f/Semitic_languages.svg/640px-Semitic_languages.svg.png)