შოტლანდიურ-გელური ნინა
From Wikipedia, the free encyclopedia
შოტლანდიური ნინა ვარა გელური (გაელური) ნინა (მუშით ჯოხო Gàidhlig; ინგლ. Gaelic ვარა Scottish Gaelic) — კელტური ნინეფიშ ართ-ართი წჷმმარინაფალი. მორაგადეეფი კელტური მუმალობაშ კათა გელეფი რენა, ნამუეფით ტრადიციულო გვალამ შოტლანდიას დო ჰებრიდიშ კოკეფს ოხორანა. გელურ ნინაშა მორაგადეეფიშ მუდანობა შოტლანდიას 58 652 ადამიერიე (2001 წანაშ ეჭარუათ), 500-1000 კოჩიშახ ოხორანს კანადას. თე ნინაქ ოკო ვაშმოჩირთანი ანგლო-შოტლანდიურ ნინაშა (Scots), ნამუთ გერმანიკული ნინა რე დო ხოლოშიანი მოჯგირე რე ინგლისური ნინაშ. წორეთ თე ნინაშა ჭარჷნდჷ რობერტ ბერნსი. თუდოლენი შოტლანდიასჷთ თე ნინაშა იჩიებუ მახორობაშ დიდი ნორთი.