Het Lauwersmeer is een voormaeilige zeeêrrum tussen Groningen en Friesland. Tot 1969 'iette deze in'am de Lauwerszeê. In dat jaer wier de dam gereêd die het meer ofsloot van de Waddenzeê. D'r is een schutsluus en een spuisluus gemaekt in de dam. Bie die sluuzen kwam een 'aeven mie wat errebeiers'uuzen wa-a de naem Lauwersoôg kreeg. Hier ligge wat gornetschepen uut Zoutkamp, Moddergat en Wierum. Vadder leie d'r ok vee Urker boômkorkotters. D'r is een visofslag.
Een deel van het Lauwersmeer viel permanent droôg wideur het Lauwersmeer vee kleiner is dan de vroehere Lauwerszeê. Het gebied rond het meer is vreed dunbevolkt, d'r leie gin plekken direct an de kust, wat vadder weg ligge Zoutkamp en Anjum. Sins kort is er een vekansiepark in ouwe stijl gebouwd, Esonstad. Vroeher vertrok vanaf 'ier de veerboôt nae Schiermonnikoôg. Noe vertrekt die vanuut Lauwersoôg.
Defensie 'eit een oefendurp angeleid in het gebied, waar-a geoefend kan worre op conflicten in stedelijk gebied. In het gebied bin ok nog de res'n van een kruutfebriek die in de jaeren tachtig wier gebouwd, mae nie vee laeter failliet ging. Deurdat het meer is angeweze as Natura2000 gebied bin de meugelijkeden beperkt en bie elk wissewasse stit de milieubeweging op d'r achterste beênen. Zô was d'r in 2009 nog gedoe over gaswinning.
De Lauwerszeê op de zogenaemde Hottingerkaerten uut de periode 1788-1794.
Externe verwieziengen
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
