Ko-hiông Chia̍t-ūn Khoân-chōng Kheng-kúi
From Wikipedia, the free encyclopedia
Khoân-chōng Kheng-kúi (環狀輕軌), goân kè-ōe miâ sī Ko-hiông Chia̍t-ūn Lîm-káng Kheng-kúi (高雄捷運臨港輕軌), sī Tâi-oân Ko-hiông Chia̍t-ūn tng-teh heng-kiàn tiong ê kheng-thih ūn-su hē-thóng, iā sī A-chiu Sin Oan-khu ê chi̍t pō͘-hūn. Ko-hiông-chhī Chèng-hú Chia̍t-ūn Kang-têng-kio̍k ùi 2001 nî khai-sí gián-kiù heng-kiàn kheng-kúi ê khó-lêng-sèng, pēng thê-chhut tī thih-lō͘ tē-hā-hoà liáu-āu, lī-iōng Tâi-thih Lîm-káng-soàⁿ ê lō͘-soàⁿ lâi heng-kiàn kheng-kúi ê kè-ōe.