Majulah Singapura
From Wikipedia, the free encyclopedia
Majulah Singapura (Chiân-chìn--pa, Sin-ka-pho!) sī Sin-ka-pho ê kok-koa.
Chit-siú koa tī 1958 nî iû Zubir Said thè Sin-ka-pho Gī-hōe ê chèng-sek chi̍p-hōe chok-khek. Tī 1959 nî Sin-ka-pho chiâⁿ-chò chū-tī-pang ê sî he̍k-soán chò Sin-ka-pho Chū-tī-pang Pang-koa. Lo̍h-bóe tī 1965 nî he̍k-tit oân-choân to̍k-li̍p ê sî, chèng-sek chiâⁿ-chò Sin-ka-pho ê kok-koa.
Kin-kì hoat-lu̍t ê kui-tēng, Sin-ka-pho ê jîn-bîn kan-nā ē-sái iōng kok-koa ê Má-lâi-bûn koa-sû lâi chhiùⁿ. Put-jî-kò, Sin-ka-pho kî-thaⁿ 3-chióng koaⁿ-hong gí-giân ê koaⁿ-hong hoan-e̍k mā tit-tio̍h tong-kio̍k ê jīn-khó; in hun-pia̍t sī Eng-bûn, Hôa-bûn kap Tamil-bûn.