Pó͘-chí
From Wikipedia, the free encyclopedia
Póo-tsí (hàn-gú: 補子, koh kiò-tsò Hiong-puè (胸背), kán-tshing Póo (補)), sī tsí Bîng-tāi í-ki̍p Tshing-kok, Tiâu-sián ông-tiâu, Ua̍t-lâm Lê-tiâu tsì Guán-tiâu, Liû-kiû kok kuan-guân ho̍k-tsong tíng-kuân, khiā tī hiong tsiân hām puē-āu ê hong-hîng tsong-sik. Bô kâng tíng-kip êkuan-guân póo-tsi ê tôo-àn iū-koh bô kāng-khuán; lî-tshiánn bûn-kuan hām bú-tsiòngê póo-tsí koh bô kāng-khuán. Bûn-kuan ê póo-tsí tôo-àn iōng hui-khîm, bú-tsiòng ê póo-tsí iōng bíng-siù. Siù kuan-ho̍k tíng-kuân ê póo-tsí, sī iōng-lâi sik-pia̍t kuan-guân tíng-kip ê tsi̍t-tsióng piau-sik. Póo-tsí suî-tio̍h kuan-tsit jî-lâ tsûn-tsāi; lî-tshiánn siu--tio̍h tiâu-tîng ê hiàn-tsè, bē-īng-eh tāi-liōng tsè-tsok. In-tshú ū ki̍k-ko ê kang-gē kè-ta̍t hām li̍k-sú kè-ta̍t. Jû-kim, póo-tsí í-king tsiânn-tsò tsi̍t-tsióng tin-kuì ê bûn-bu̍t tsông-phín. Póo-tsí khí-guân teh Tông-tāi Bú Tsiu (武周), sî-kiânn teh Bîng-tāi, Tshing-kok.