Tùi-hoán-pêng lâ-sng
From Wikipedia, the free encyclopedia
Tùi-hoán-pêng lâ-sng (tùi-hoán-pêng chí-hông-sng) sī 1 khoán tùi-hoán-pêng (trans) siang-têng kiat-ha̍p (double bond) ê bô-pá-kek lâ-sng (chí-hông-sng). Tùi-hoán-pêng lâ-sng tī tāi-chū-jiân ū tè chhoē, m̄-koh toā-hūn sī jîn-kang chè-chō ê hui-thian-jiân sán-phín, tī chē-chē si̍t-phín ê chè-chō koè-têng lóng ē khì ēng--tio̍h. Sui-bóng í-chá jīn-ûi tùi-hoán-pêng lâ-sng chia̍h--lo̍h-khì tùi lâng bô hāi, bo̍k-chêng ê kho-ha̍k gián-kiù khah chē jīn-ûi ū hāi. Chú-iàu sī ē chō-chiâⁿ tōng-me̍h ngē-hoà kiam koan-sim-chōng-pēⁿ. Hiān-chú-sî ū koá kok-ka koán-chè tùi-hoán-pêng lâ-sng ê sú-iōng. Tan-be̍h chū 2003 nî khai-sí kìm-iōng.