Chheⁿ-chio̍h

Chhiⁿ-chio̍h^[1], chheⁿ-chio̍h, ia̍h sī kóng ún-se̍k (ji̍t. 隕石)^[2] sī siak hiòng Tē-kiû, kî-tha he̍k-chheⁿ, ōe-chheⁿ iā ngē-chit seng-thé, jî-chhiá lòng chiūⁿ in tē-piáu ê sió-he̍k-chheⁿ he̍k-chiá sī tn̂g-bóe-chheⁿ ia̍h in-ê lân-san pō͘-hūn.

Siak tī Be̍k-se-ko, hong hō chò "Chupaderos" ê ún-sek.

Chhiⁿ-chio̍h ê chhùn-chhioh bô it-tēng, nā khah sè-lia̍p--ê tī ji̍p khì tāi-khì-khoan ê sî-chūn to̍h siū mô͘-chhat téng goân-in sio khì tōa-pō͘-hūn.