Pang-chān:外野手

外野手（英語：Outfielder，通常簡寫做OF）是野球佮壘球運動內底兮守備位置，是指防守外野兮球員，分做倒外野手、中外野手佮正外野手三種。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

當咧接フライ (hu-lái)兮外野手

因為防守兮範圍誠大，所以外野手通常愛予走較緊兮球員擔任。另外，因為到本壘兮距離較遠，若發生失誤着可能造成失分，所以對飛過來兮球愛有較好兮判斷力，嘛因為離逐个壘攏較遠，所以外野手傳球兮力量嘛愛較好，但是毋是逐个外野手攏有足大兮力量通傳球，所以若球隊內底有外野手力量較細，球團會派出カット (khat-to͘h)能力較好兮內野手來配合。

一般來講，倒外野手會較要求愛走較緊，因為正、倒槌仔手兮數量予倒外野手兮守備機會較濟，正外野手需要較強兮力量，因為需要對正外野傳球去三壘兮狀況比需要對倒外野傳球去一壘加誠濟，中外野手着愛有較好兮傳球能力嘛愛走較緊。一般來講中外野手兮守備負擔是上重兮，毋過若球場形狀較特別（佇美國大聯盟較捷看），可能着會有其中一个外野手兮守備位置大別儂真濟兮狀況發生。

外部連結

Tâi-oân Pāng-kiû Wiki-koán：外野手(Hàn-gí)

Che sī chi̍t phiⁿ kap iá-kiû siong-koan ê phí-á-kiáⁿ. Chhiáⁿ tàu khok-chhiong.