Pang-chān:景尾

景尾（Kéng-bóe, 梘尾），嘛叫做景美，是臺灣臺北市文山區兮地方。東爿盤過景尾山是木柵、北爿過螿蜍山是公館、西爿迒過新店溪是雙和、南爿迒過景尾溪是新店。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

名稱

根據《臺灣島之歷史與地誌》，^[1]景尾早前寫做梘尾，着是瑠公圳兮大木梘兮尾溜，後來寫做臺語內底仝音兮景尾。1950年，夆改名做景美，毋過佇臺灣話，咱慣勢讀做景尾。

歷史

景尾溪開道碑，明治42年9月立

清國時代，景尾屬佇臺北府淡水縣拳山堡兮萬盛庄佮興福庄。日本時代，成做臺北州文山郡深坑庄兮萬盛佮興福兩个大字。戰後，劃予臺北縣深坑鄉。1950年3月初1，對深坑鄉獨立出來，設立景尾鎮（華語：景美鎮）。1968年7月初1，景尾鎮併入前一年拄仔升格做直轄市兮臺北市，改名景尾區（華語：景美區）^[2]。1990年3月12，臺北市行政區重劃，景尾佮木柵合併做文山區。毋過真濟街仔路、機關兮名原仔用景尾來號名。

交通

• 臺北捷運 新店線通過景尾西勢兮萬盛地區，有萬隆站、景尾站。
• 臺北捷運 文湖線通過景尾東勢兮興福地區，有辛亥站、萬芳病院站。