Pang-chān:王育霖（檢察官）

王育霖（1919年 - 1947年3月31），臺灣新竹地方法院檢察處檢察官。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

本文章是關係臺灣以前兮檢察官。揣臺灣兮野球運動員，看王躍霖（野球運動員）。

李筱峰講王育霖佇走閃國民黨掠儂兮時，因為閣越轉去提物件才夆掠着，三月底夆處死，屍體下落不明。^[1]

吳濁流佇《台灣連翹》中講王育霖咧新竹市做檢察官，發現市長郭紹宗涉入私吞牛奶粉兮案件，伊叫警察去掠郭紹宗，無想着警察局長嘛是做伙咧貪汙兮，煞反倒轉來共王檢察官圍起來，提走逮捕令。伊轉去檢察處欲閣提逮捕令煞予頂司罵。王育霖足受氣着離開去臺北教冊。二二八事件兮時就去予郭紹宗歹儂掠去閣刣死。這毋是事實，根據《民報》報導，實際上是新竹市政府指控這馬予王育霖率憲兵「包圍」，非這个王育霖去予人包圍，而且這个王育霖是去「偵訊」毋是「逮補」，對象是「總務科科長」毋是「市長」。^[2]監察院佇2001年向法務部佮臺灣新竹地方法院調閱資料，攏查無郭紹宗貪汙案。^[3]

王育霖兮小弟是出名兮臺獨運動者佮臺語文兮學者王育德。