Thó-lūn:Siáu-káu-pēⁿ

痟狗病

? 痟狗病
Pēⁿ-to̍k hun-lūi
Kûn: Group V ((-)ssRNA) Ba̍k: Mononegavirales Kho: Rhabdoviridae Sio̍k: Lyssavirus Chéng: Rabies virus

痟狗病抑狂犬病，一種傳染病，不時佇咧人佮動物（特別是精牲仔）之間相穢。

人類是按怎去穢著的

---

人類會得著痟狗病，差不多攏是去予遐的代先著病的精牲仔咬著，抑是抓傷引起的，啊有時甚至只是予精牲仔舐著原底受傷的空喙，嘛煞來穢著病毒，另外，痟狗病有當時仔嘛會當通過空氣直接傳播。

危害的程度

不幸得著痟狗病了後，病毒主要會侵犯中樞神經系統，痟狗病上基本的症狀就是病人看著水會驚，這佇醫學上號做"恐水症"，痟狗病是一款十足雄險的病症，死亡的概率會當達到十成，調查表明，所有的精牲仔當中，狗仔上經常共痟狗病穢予人，閣紲落來就是貓仔。

欲怎樣預防

---

既然痟狗病的死亡率遮爾懸，若按呢，是欲怎樣來預防咧？咱會當採取一寡仔措施來對付伊，比論講：

• 制定相關的條文，嚴格管制飼狗，消滅破病狗佮流浪犬。
• 冗早注射預防病毒的疫苗，目前普遍採用注射專門的疫苗佮抗病毒血清來預防。

雖然講咱愛積極採取行動來預防痟狗病傳染，毋過若是萬不幸著病就淒慘罪過囉，因為到今醫學界對痟狗病的治療ôan-á並無真好的辦法。

啥人需要拍預防針

---

一般來講，獸醫、動物管理員、獵人、野外工作者佮一寡仔較有可能接觸痟狗病毒的醫務人員，攏總就愛拍預防針，注射抗病毒的疫苗。