Pang-chān:臺灣兮鐵路運輸

臺灣兮鐵路運輸事業對清領時代開始，佇日本時代大興，鐵路網總長度捌倚5,000公里左右，包含國有鐵路佮各種產業鐵路攏深入大細鄉鎮。二次大戰結束進入民國時代了後，以臺鐵為主兮公共鐵路網路雖然有擴張，但是因為公路建設大興，閣加上林業佮礦業沒落，濟濟產業鐵路佮運輸量較低兮公共鐵路路線相紲廢止，致使鐵路長度佇2003年兮時干焦賰1,496公里；毋過，綴環保意識攑頭佮解決都市交通問題兮需求增加，對1990年代開始陸續增建新兮軌道系統，親像南北高速鐵路佮都會區兮捷運系統。佇人口稠密兮西部走廊，鐵路運輸一直攏是非常重要兮交通方式，綴東部兮連外交通需求增加，鐵路嘛成做臺灣東西之間兮主要交通方式。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

臺灣兮鐵路網