Pang-chān:馬關條約

《馬關條約》（日語：馬関条約、英語：Treaty of Shimonoseki^[1] ），閣號做《下關條約》（日語：下関条約）、《清日講和條約》^[2]（日語：日清講和条約）或者《中日講和條約》^[3]，是大清帝國佮大日本帝國佇1895年4月17號（大清光緒二十一年三月二十三號；大日本帝國明治二十八年四月十七號）簽訂兮條約。

Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún.

日語兮條約，展示佇日本外務省外交史料館

這个條約正式宣告甲午戰爭兮結束，嘛予大清帝國共福建臺灣省（含澎湖）佮遼寧省南部兮遼東半島割予大日本帝國；臺灣著對遮開始50冬兮日本時代。𫝛 (siâng)時，大清帝國宣布欲放棄對朝鮮幾百冬兮宗主國地位，予日本會使佇幾若冬以後共朝鮮佔去。遼東半島因為露西亞、德國佮法國介入著無割出去矣。