Hun-chháu

Hun-chháu chí kui tī Nicotiana sio̍k ê si̍t-bu̍t kap in ê ta hio̍h-á. Hun-chháu chū-pún tī Lâm/Pak Bí-chiu ū-tè-chhoē. Lēng-goā 1 ê miā sī lâm-lêng-chháu^[1].

?Hun-chháu
Nicotiana tabacum
Seng-bu̍t-ha̍k hun-lūi
Kài: Plantae Kong: Magnoliopsida Bo̍k: Solanales Kho: Solanaceae Sio̍k: Nicotiana L.

Koan-hē a-phiàn-hun, chhiáⁿ khoàⁿ a-phiàn.

Ta hun-hio̍h sù-siông hō͘ lâng the̍h lâi chò hun chia̍h, chia̍h-hoat pau-koat pok choá-hun (hun-ki^[2], ki-á-hun^[3], kńg-hun^[4]), suh hun-chhoe ia̍h chúi-hun-chhoe^[5], ia̍h ū iōng pō͘--ê, kâm--ê, phīⁿ--ê.

Hun-chháu lāi-bīn hâm nicotine, sī 1 chióng put-chí-á kiông ê sîn-keng-to̍k (neurotoxin), ū thāu thâng-thoā ê lō͘-iōng.

Le̍k-sú

1493 nî Christophorus Columbus hoat-hiān-liáu Sin Sè-kài, Hispaniola tó ê Ìn-tē-an-lâng tio̍h kā i siāu-kài hun-chháu chit-lō mn̍gh-kiāⁿ^[6].

Tùi sin-khu ê éng-ióng

Chia̍h-hun ê lâng khah chē chia̍h kàu tiâu (giàn), pìⁿ oh kái.

Chia̍h-hun ē phò-hāi hì, pau-koat seⁿ hì-gâm.