Ka-èng Ti̍t-lē-chiu

Ka-èng Ti̍t-lē-chiu (Hàn-jī: 嘉應直隸州), kán-chheng Ka-èng-chiu (嘉應州), sī Chheng-kok Kńg-tang-séng ê chi̍t ê ti̍t-lē-chiu.

Le̍k-sú

Chheng-kok

Iong-chèng 11 nî (1733 nî) seng Tiô-chiu-hú Têng-hiong-koān (程鄉縣) tī Ka-èng Ti̍t-lē-chiu, lé-sio̍k tī Kńg-tang-séng. Tī-sò͘ chāi taⁿ Mûi-chiu-chhī Mûi-kang-khu, ti̍t-hat goân-pún ê Têng-hiong koān-tē. Lēng hat goân-pún Tiô-chiu-hú ê Pêng-oán-koān (平遠縣), Tìn-pêng-koān (鎮平縣) kap Hūi-chiu-hú ê Heng-lêng-koān (興寧縣), Tiông-lo̍k-koān (長樂縣).

Ka-khèng 11 nî (1806), seng-ûi Ka-èng-hú (嘉應府).

Ka-khèng 17 nî (1812), koh kàng-ûi ti̍t-lē-chiu.

Kàu hit-sî, Ka-èng Ti̍t-lē-chiu ti̍t-hat kap hat-ē sì koān jû-hā:

Chheng-kok Kńg-tang-séng Ka-èng-chiu	Tiong-kok Kńg-tang-séng Mûi-chiu-chhī	Pī-chù
ti̍t-hat	Mûi-koān-khu, Mûi-kang-khu	goân Têng-hiong-koān
Pêng-oán-koān (平遠縣)	Heng-lêng-chhī pak-pō͘ chió-sò͘ tē-khu kap Pêng-oán-koān
Tìn-pêng-koān (鎮平縣)	Chiau-niá-koān
Heng-lêng-koān (興寧縣)	Heng-lêng-chhī tōa-pō͘-hūn
Tiông-lo̍k-koān (長樂縣)	Ngó͘-hoâ-koān

Tiong-hôa Bîn-kok

Bîn-kok goân-nî (1912) kái-chò Mûi-chiu (梅州), sûi kàng-ûi Mûi-koān (梅縣).