Thong-sio̍k kho-ha̍k

Thong-sio̍k kho-ha̍k (Eng-gí: popular science), he̍k-chiá kiò tāi-chiòng kho-ha̍k, sī chi̍t khoán kài-siāu kho-ha̍k tì-sek ê hêng-sek. Nā sī chiàu kho-ha̍k ê thong-sio̍k-hòa (popularization) koan-liām lâi kóng, sī chí kā choan-ka tì-sek hiòng gōa-pō͘ bûn-hòa thoân-pò.

Sin-bûn-chóa, chheh-pún, cha̍p-chì, la-jí-oh kap tiān-sī téng khoán tāi-chiòng mûi-thé, sī hiān-tāi thong-sio̍k kho-ha̍k lī-ēng ê thoân-pò hong-sek, khah kīn-taⁿ koh ū keng-kòe Internet he̍k-chiá kng-tiap-phìⁿ ê hoat-hêng. Lēng-gōa, ia̍h ū kì-lio̍k-sek ê iáⁿ-phìⁿ, ia̍h sī kā kho-ha̍k gián-kiù ê tāi-chì piáu-hiān tī kho-ha̍k siáu-soat chok-phín lāi-bīn.

Chham-khó

• Judith Yaross Lee (2002). "Popularization". Chū Pamela Gossin. Encyclopedia of Literature and Science. Greenwood Press. ISBN 0-313-30538-2.

Siong-koan

• Kho-ha̍k kàu-io̍k
• Kong-chiòng kho-ha̍k
• Kho-ha̍k ê kong-chiòng liáu-kái