原子筆
From Wikipedia, the free encyclopedia
原子筆又叫圓珠筆,係一種筆,係相當近代嘅發明。原子筆嘅「原子」就係嗰啲𠹳澾澾,黐𥹉𥹉嘅「墨」,筆嘴最尖係一粒直徑0.28-1.2mm嘅金屬珠,啱啱卡住響支收窄嘅管嘅尾尾,卡得唔係太實而可以畀粒珠自由噉轉,當識轉嘅金屬珠掂倒紙嘅表面嗰陣,氹氹轉嘅珠令喺支窄嘅管裏面嘅墨留低喺紙上面,一落倒紙嘅墨差唔多立即乾。今時今日,又平、又靠得住、重唔使點理嘅原子筆,已經取代咗墨水筆,變成好多人日日用嚟寫嘢嘅筆。
請撳 Wikipedia:翻譯/原子筆,去整翻譯請求。(翻譯指引) |
原子筆響1940年代尾發明,當時美國用原子彈贏咗二戰無幾耐,「原子」就做咗「高科技」嘅代名詞,商人就好興將新產品加「原子」兩個字,譬如原子褲、原子褸、原子腰帶、原子粒收音機噉,所以當時呢種新發明嘅筆就叫「原子筆」。