國際歌

From Wikipedia, the free encyclopedia

國際歌》(法文L'Internationale)係國際社會主義運動嘅主題曲,流傳廣泛。原來嘅法文歌詞由鮑狄埃(Eugène Pottier,1816年-1887年)喺1871年作(嗰時係用馬賽曲La Marseillaise)嘅曲調去唱),狄蓋特(Pierre Degeyter,1848年-1932年)喺1888年為呢首歌譜曲。時至今日,呢首歌已經畀人譯成好多唔同語言。

呢首歌曾經嘅第一國際同埋第二國際嘅會歌(共產國際嘅會歌並唔係呢首)。

20世紀初,好多歐洲國家,因為呢首歌有宣揚共產主義同埋無政府主義嘅歌詞而禁咗渠。

直到1944年,呢首歌一直係蘇聯嘅國歌。後來蘇聯嘅國歌改咗做《打唔散嘅聯盟》,而呢首歌就成為咗蘇聯共產黨嘅黨歌。最早嘅俄文翻譯係由Aron Kots(Arkadiy Yakovlevich Kots)喺1902年所作,發表喺倫敦出版嘅一本俄國移民雜誌Zhizn(《生活》)度。呢個翻譯版本包括咗原文六段歌詞嘅其中三段同埋副歌。呢首歌最廣泛流傳嘅中文版本就係由俄文版翻譯而成嘅。

呢首歌喺世界各地嘅共產黨人、社會黨人同埋社會民主黨人之間廣泛流傳,同時亦係中國共產黨嘅非正式黨歌。

佐治奧威爾喺佢嘅小說《動物農莊》入面,作咗首《英格蘭嘅鳥獸》(Beasts of England)用嚟影射國際歌。