大塘站

大塘站（「塘」字有變調，粵拼：daai6 tong2 zaam6；英文：Datang Station）係廣州地鐵3號綫嘅車站，2006年12月30號開放。位置喺海珠區新滘東路近海珠湖北邊。

大塘 Datang
大塘站嘅站名
概覽
冧巴	307
位置	海珠區新滘東路近海珠湖北邊
座標	23°4′40.37″N 113°19′15.67″E
車站色
經過路線	3
啟站	2006年12月30號
月台數	1
營運資訊
車站服務時間	06:02～23:50
列車服務時間	06:07～23:48
廣州地鐵3號綫 天河客運站　◄客村 （2km） （2.6km）瀝滘►　番禺廣場

結構

樓層

呢個站一共有3層樓嘅地下區域，其中地下1樓係站廳，有票務設施，客務中心同商鋪；地下2樓係3號綫嘅月台。同大多數嘅3號綫車站一樣，冇休息室同廁所、母嬰室響度。

打掂

地下 一樓	站廳	售票機、客服中心、車站商店、地鐵警務室
地下 二樓	2月台	←3號綫列車去客村站（行天河客運站 / 機場北嗰邊）
	島式月台，開左邊門
	1月台	3號綫列車去瀝滘站（行番禺廣場嗰邊）→

打橫

大塘站嘅站廳

大塘站嘅月台

站廳

大塘站設計成冇柱嘅站廳而令成個站廳好闊。而收費區喺站廳西邊，四圍俾人行通道同商舖圍住嗮，收費區嘅站廳同月台之間都有好多部扶手電梯、專用𨋢同樓梯，去邊個樓層都得。

月台

呢個站係島式月台1面2綫嘅地下車站，喺新滘東路嘅海珠湖地底度。

月台全景（去番禺廣場嗰邊，喺2014年7月21號影。）

商鋪同自助服務

而家嘅大塘站入面得好少鋪頭響度，便利檔、麵包檔同書店。

呢個站重有民生銀行嘅自動櫃員機、自動販賣機、自動影相機等；重有好易機嚟充羊城通，交水電費同交通嘅罰錢呢尐服務；而M-Touch機係可以查地鐵嘅路線、頭尾班車同埋地鐵嘅安全指引，重可以畀乘客登記變成廣州地鐵薈嘅會員嚟查獎分、換獎品都得。

出入口

大塘站冚唪唥嘅出入口
大塘站嘅A出入口 大塘站嘅A出入口  大塘站嘅B出入口 大塘站嘅B出入口  大塘站嘅D出入口 大塘站嘅D出入口

呢個站而家有3個出入口，分別係A、B同D。

冧巴	標記	去到邊度
出入口A	新滘中路	新滘中路、東風村、大塘村、上湧村、廣州大道南路口巴士站
出入口B	新滘中路	新滘中路、海珠湖、東風果樹生態公園、聚德西路口巴士站、廣州大道南路口巴士站
出入口D	新滘中路	新滘中路、聚德西路、大塘村、聚德西路口巴士站、廣州大道南路口巴士站
註： 有盲人引導徑 | 有斜道 | 有輪椅升降臺

車站歷史

3號綫

規劃

呢個站最先喺2000年份廣州地鐵規劃入面出現咗。嗰時番禺撤市改區，原先3號綫向南延長到番禺廣場，重喺規劃緊嘅新滘路近大塘社區嗰邊整咗個站，位置同而家差唔多。

施工

2002年2月，3號綫正式喐手起時亦開始動工，工程直到2006年9月起好。

開通

2006年12月30號，由於3號綫一期全線通車，呢個站亦正式開放。

11號綫

規劃

路線喺2008年嘅廣州地鐵網規劃出現咗。嗰時地鐵話要搞環綫，要求喺8號綫喺原先嘅細環同大環方案是旦揀一個嚟搞，結果決定揀咗大環方案。兩年後，地鐵同政府方決定唔拆8號綫而轉到特大環綫入面，但南半環擴大到新滘路一帶重經過海珠湖附近兼定做11號綫嘅車站。隨後喺2015年7月先至批准咗呢份方案。

施工

• 2017年9月11號，車站開始入場圍蔽施工。
• 2017年10月24號，車站開搞管綫遷移工作。

利用狀況

呢個站附近都係啲城中村同埋部分嘅住宅區響度。有上涌村、龍潭村、聚德花苑同堅真花園嘅居民響度，所以呢個站都幾多人下。由於隔籬嘅逸景路係個紡織城，而且城中村嗰帶啲出租屋嘅價錢好抵，所以呢個站大多數嘅客流都係搞紡織服裝生意啲人，其中有大部分人坐巴士去沙河嗰頭嘅服裝批發市場。喺6號綫開通之前，啲人係成日坐巴士過去沙河嗰邊嘅，喺6號綫通咗車之後，有部分乘客就轉咗坐地鐵去沙河頂站落車，但由於沙河站因拆遷問題，到而家都重未開通，所以有好多人繼續揀坐巴士去沙河嗰頭。

由於呢個站冇幾遠就係人工湖海珠湖、海珠濕地公園、上涌果樹公園等本土生態旅遊景區。喺廣州本地市區啲人嚟講，喺週末一撞正好天，大塘站就出現好多去附近啲景區嘅本土旅客。

附近嘅建築同景區

海珠湖

公園

• 海珠湖
• 上涌果樹公園
• 海珠濕地公園

政府部門

• 海珠區地稅局

住宅小區

• 堅真花園

上一站·下一站

上一站⇚⇚　　　　廣州地鐵　　　　⇛⇛下一站
客村站 天河客運站←	大塘站 3號綫	瀝滘站 →番禺廣場站
石榴崗站 逆時針←	大塘站 11號綫	上沖公園站 →順時針
提醒：11號綫喺度起緊。