大紅花

大紅花（粵拼：daai6 hung4 faa1；學名：Hibiscus rosa-sinensis）；第個名係七彩大紅花（cat1 coi2 daai6 hung4 faa1）、赤槿（cek3 gan2）、狀元紅（zong3 jyun4 hung4）；喺北話入面成日嗌佢係朱槿（zyu1 gan2；簡化字：朱槿）或槿樹條（gan2 syu6 tiu4；簡化字：槿树条）；山東地區嗰邊嗌扶桑花（fu4 song1 faa1；簡化字：扶桑花）；喺植物研究學界成日嗌佢係木槿（muk6 gan2）或朱槿；佢係錦葵科木槿屬嘅一樖常綠灌木，原產地喺中國嘅嶺南地區同印度，而家喺印度、中國嘅廣東、廣西、雲南同四川南邊都可以搵到佢。佢既係一樖淨化環境嘅植物，俾人話咗係「天然解毒機」嘅同時，又係一種多功能嘅綠化樹木。

More information How to read a taxobox大紅花, 物種分類 ...

How to read a taxobox

大紅花

屬於權木

物種分類

界	植物界 Plantae
（未分級）	被子植物 Angiosperm
（未分級）	真雙子葉植物 Eudicots
目	錦葵目 Malvales
科	錦葵科 Malvaceae
屬	木槿屬 Hibiscus
Section:	H. sect. Lilibiscus
種	大紅花 H. rosa-sinensis

二元學名

Hibiscus rosa-sinensis
L.

Close

形態（大紅花）

佢啲樹嘅細枝係圓柱形，佢係一種灌木🪵，帶有好似星星噉樣嘅軟毛響度。而樹葉係闊嘅雞蛋形或窄嘅雞蛋形或有啲似菱形噉嘅雞蛋形，互生品種，成日有唔整齊嘅三裂，而且葉啲邊都有鋸齒響度。植物高度方面，一般有1——3m高到。而花嘅方面，一般係紅色、白色、紫紅、粉紅，重有黃色嘅品種，曬士比較大，而且重好靚，一般生喺上面兩隻樹葉嘅格辣底之間。而花期方面，一年四季都有花，大多數喺6—7月份開花。而佢開完花之後結出圓形嘅果出嚟。佢喺環境適應能力方面都幾犀利吓。

用途

大紅花嘅樹皮纖維可以用嚟整啲繩索，重可以用嚟織麻袋、整粗嘅布條、網同紙都得，甚至可以用嚟做藥同園林嘅植物都得。喺中國長江以南地區成日用嚟咗綠籬用料；而長江以北地區就成日用嚟種喺庭院入面畀人睇。

藥用價值

朱槿嘅花，葉，莖同根都可以用嚟做藥，不過大多數嘅中醫都用佢嘅根嚟做藥。佢可以用嚟醫因肺熱而咳、腮腺炎、乳腺炎、急性結膜炎、尿道感染、鼻血、月經不調等病。而佢啲葉成日用嚟搞皮膚出瘡嘅嘢。而佢啲花同根嘅功效差唔多到。　

所謂「天然解毒機」

之前有生態學家收集咗9種抗污染比較犀利嘅植物葉嚟研究過，發現大紅花嘅葉嗰度有嘅Cl含量同埋黐喺樹葉嘅氯含量最多。佢抗SO₂最犀利，因為大紅花嘅葉肉細胞，連SO₂都唔會點危害佢。而大紅花嘅葉嘅滯塵量喺18種淨化環境植物系列入面係排第三。所以啲人成日將大紅花話成係環境保護植物。

國家、區域象徵

馬來西亞國花^[1]：大紅花喺1960年7月28號正式成為馬來西亞嘅國花。1963年9月16號，包括新加坡、北婆羅洲（之後改名做沙巴）同沙撈越在內嘅馬來西亞成立，國花仍然係大紅花。大紅花意義係紅色代表勇敢，強大嘅生命力同快速嘅繁衍能力，象徵住馬來西亞國家同國民生生不息地茁壯成長。五個花瓣代表馬來西亞嘅「國家原則」（馬來文：Rukunegara），即「信奉上蒼、忠於君國，維護憲法、尊崇法治、培養德行」。馬來西亞嘅令吉，無論係紙鈔定係硬幣上面都印有大紅花圖案。

美國夏威夷州花^[1]：1820年戴懷爾（Charles Telfair）博士喺英屬模里西斯島，突破大紅花雜交育種技術後，佢嘅技術廣為流傳喺印度洋沿岸嘅印度同錫蘭（斯里蘭卡）等區域，新品種不斷釋出，呢個技術進一步傳播到夏威夷，喺1900－1911年間，大規模嘅大紅花雜交育種活動喺夏威夷盛行，夏威夷人由1920年開始採用各種新培育大紅花方法（Hibiscus rosa-sinensis）其州花，當時無限定顏色，只係以紅色大紅花居多，一直到1988年夏威夷州政府正式立法採用當地原生種嘅黃色大紅花（Hibiscus brackenridgei）做佢官方嘅州花，當地人又叫「Pua aloalo」，呢個原生種同過去普遍觀賞嘅紅色大紅花完全唔同，呢樣大概亦係一種強調本土化嘅表現。

台灣高雄縣縣花^[1]：1977年，中華民國台灣省政府提倡「一縣一花」運動，大紅花被選為高雄縣縣花。當選嘅原因係因為大紅花喺山地沙礫都開到花，而三山地區，即高雄縣嘅鳳山、岡山同旗山幾乎都可見到大紅花。被認為可以代表幾百年嚟，到三山地區落地生根嘅先人。

中國廣西南寧市市花^[1]：1986年12月，廣西壯族自治區南寧市第八屆人大常委會第七次會議確定大紅花為呢個市市花。之後，大紅花以地栽、盆栽同埋作為花籬嘅形式喺南寧廣為種植。喺2002年，南寧市有17萬多株大紅花、16個品種，常見品種有：大紅花、粉喇叭、泰國黃、假牡丹、大紅朱槿、黑牡丹、黃朱槿、吊鐘、拱手花等。

中國廣東茂名市市花^[1]

美國佛羅里達州旁塔哥達同維諾海灘嘅市花：大批夏威夷新種嘅大紅花輸入美國本土之後，陽光帶嘅佛羅里達州最適合種植，嗰度逐漸成為培育大紅花新品種嘅基地，1950年美國大紅花協會（American Hibiscus Society）亦正式喺佛羅里達州成立，呢個協會定期出版刊物（The Seed Pod）、舉辦大紅花展覽、花卉選拔同大紅花論壇演講，彼此分享最新嘅知識，陸續向呢個協會註冊嘅大紅花品種多達7,000種，有呢啲強盛嘅發展基礎。因此，佛羅里達州嘅旁塔哥達（Punta Gorda）同維諾海灘（Vero Beach）兩個城市遂遴選大紅花為市花。
台灣台北市松山區區花^[2]
台灣台南市新化鎮鎮花^[3]：台南縣新化鎮公所為打造最靚嘅小鎮，廣植公開票選嘅鎮花「大紅花」，台南縣168縣道嘅中興路、經過虎頭埤到中興大學林場，沿途種植近三萬株，呢條長達7公里嘅大道，畀鎮民叫做「朱槿大道」，並聲稱計畫蒐集世界上百餘種大紅花，依家已經買咗廿幾種，種植喺新化鎮運動公園，打算開闢做「朱槿主題公園」。