州
From Wikipedia, the free encyclopedia
傳說禹分九州,借州字意思做大地分域,大地以大川分,之後又有十二州。
為咗分別,啲人另造新字洲,以表原意。到佛教傳入,佛教講世界,有講四洲,或者四大洲。近世借用大洲,對照西文,為世界分部,亞洲、歐洲咁。
漢時開以借州做行政分界,大政區分野。之後人越來越多,政區自然加多。咁樣,州又相應加多,州地越分越細,往往再上加級管州,近乎底層,最終同縣無差,廢棄。不過地名上,仍有殘留,如廣州、溫州、潮州等等,新行政分野,會用返個名,但唔係舊日州嘅意思。