巴林
From Wikipedia, the free encyclopedia
巴林王國(英文:Bahrain)係中東一國,原本係英國殖民地,1971年8月15號宣佈獨立,首都係麥納麥,面積706.5平方公里,人口有650,604人(2001年人口普查),外籍人佔全國人口嘅三分之一;超過60%居民係阿拉伯人,其他有印度、巴基斯坦、孟加拉同伊朗等國家嘅僑民。官方語言係阿拉伯文,亦都用英文。而家嘅國王係哈馬德·本·伊薩·阿勒哈利法,1999年3月6號即位。地理上巴林係喺亞洲西南部,波斯灣西南部一個島國,近住卡塔爾同埋沙特阿拉伯王國之間,屬於熱帶沙漠氣候,石油係佢哋嘅經濟支柱。