From Wikipedia, the free encyclopedia
1949年10月14號,中國人民解放軍第四野戰軍進駐廣州後,接管原中華民國廣州市政府,到10月21日成立咗中國人民解放軍廣州市軍事管制委員會。10月28號先至成立廣州市人民政府,直屬中華人民共和國中央人民政府領導。1950年2月改中南大行政區直轄市。1953年3月再改做中央直轄市。1954年6月改做廣東省轄市。1955年2月改稱廣州市人民委員會,改由廣東省人民政府領導。
1966年5月文化大革命爆發,1968年2月成立廣州市革命委員會(後稱廣東省廣州市革命委員會,簡稱市革委會),由其行使原中共廣州市委、市人大、市人委嘅職權。1981年9月29號,恢復廣州市人民政府名稱。
除首任市長、副市長由中共中央人民政府直接任命,其餘各任均程式上係由人民代表大會選舉產生。歷任市長(或相應職務)多數係廣東人,共和國建國後歷任廣州市長分別係:葉劍英、何偉、朱光、曾生、黃榮海、焦林義、楊尚昆、梁靈光、葉選平、朱森林、楊資元、黎子流、林樹森、張廣寧、萬慶良、陳建華,到而家嘅市長係溫國輝。部門設置包攬黨務、議會、司法等交錯,地方首長、司局長人事任免、調整等實質由黨委書記負責,由之領銜嘅市人大常委會出具任免狀。
政府人員嘅職級與薪級睇返中華人民共和國公務員。
廣州市人民政府常務會議由市長、副市長、秘書長組成,市長或受市長委託嘅常務副市長召集同主持會議,處理政府決策重大事務。按當局規定,市政府副秘書長,市人民政府工作部門、直屬機構、下轄區縣政府高級官員可依需列席[1]。
廣州市人民政府管理著各工作部門,接受中央同省當局嘅指令,處理管治地方各主要事務,同時政府機關同各局下屬仲有一定數量嘅事業單位,負責各種內外公共服務等事務上嘅專業職能,事業單位按當局規定劃分唔同級來管理,分咗財政全額撥款、財政差額撥款或自籌資金三類。
另外仲有市屬國有企業,包含咗地方工業、商務金融、貿易、資源開發、服務業等領域嘅公家公司,同地方原由私人開拓嘅各公私合營嘅商號。呢啲就受市政府所屬嘅國有資產監管委員會管轄。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.