廣東話粗口
粵語嘅粗俗字詞 / From Wikipedia, the free encyclopedia
粵語粗口係啲粵語嘅粗俗字詞,字義多數本身係性器官、性行為或者咒人死傷。狹義上,只係得下節介紹嗰五個字,統統同性有關。
粗口未必一定用喺鬧人,有啲人講嘢會句句夾啲粗口落去,純粹習慣咗。同世界大多數地方一樣,粗口有時會令聽者難受,視講粗口者無家教、無教養。亂用粗口者稱之為爛口,粗口爛舌,把口講粗晒。講粗口喺大部分情況下都唔會犯法,但有啲地方禁止講粗口,例如喺港鐵處所入面講粗口會罰錢[1],喺醫院講嚴重更會犯官非,雖則執法判案都甚為罕見。廣播大多數情況,粗口都唔可以出街。
有啲人會專登玩弄粗口,以示其反叛一面,觸犯禁忌。