廣深動車組列車
From Wikipedia, the free encyclopedia
廣深城際動車組列車係中國鐵路運行於廣東省會廣州同埋經濟特區深圳之間嘅城際動車組列車,從2007年4月18號起開行,宜家由廣州局集團廣深鐵路股份有限公司廣九客運段嚟負責客運服務。列車用和諧號CRH1A型電力動車組,運行縱貫廣深鐵路,動車組中途站有新塘、東莞、常平、樟木頭、平湖呢幾個站,全程139公里,每個鐘行160公里,最快每個鐘行202公里(部份路段最快每個鐘行220公里[1][註 1])。宜家每日一共有110對列車對開(其中平時92對、後備18對),每日頭班車係6點03分,尾班車係夜晚10點10個字,一般10分鐘一班車。其中係廣州東站到深圳站下行用嘅班車係C7001次-C7207次(單號);深圳站到廣州東站上行嘅班車係C7002-C7208(雙號)。