急凍食品

急凍食品，或叫冷凍食品、冷藏食品、雪藏食品，多數指經過急凍（又叫冷凍、冷藏、雪藏）處理嘅嘢食。急凍嘢食係一種很常見嘅嘢食保存法，除咗可以大幅減低嘢食腐壞同化學反應嘅速度之外，更因為嘢食裏面嘅水結成冰，亦嚴重阻礙微生物滋生，從而得以大幅延長嘢食嘅最佳食用日期。

超級市場賣嘅急凍食品

嘢食能夠以冷凍方式保存幾個月，長時間嘅冷凍要保持喺最少攝氏零下18度（華氏0度）嘅低溫，因某啲冷凍櫃無法達到咁嘅低溫，所以保存時間亦大幅縮短。

冷凍只能減慢食物腐壞嘅過程，令微生物嘅生長過程停止，但係唔能夠殺死佢哋。因為冷凍淨係可以減緩酶反應，因此喺冷凍前，嘢食製造商會漂白嘢食或添加化學物來停止酶反應。

傳統同其他用途

好多極地嘅地區會將嘢食保存喺雪地嘅洞穴或冰中嘅儲藏室，斯堪的納維亞地區就係利用呢種傳統嘅方法保存魚類，特別係鯡魚。

好多國家會設有大型冷凍室，策略性咁保存大量嘅嘢食以便國家緊急之用。

有啲機構將種子保存喺攝氏零下18度嘅種子銀行度，以因應植物物種滅絕嘅情況。咁保存嘅種子通常係農作物或係罕見物種。