新都會廣場(英文:Metroplaza Towers)係香港一組有商場同寫字樓嘅建築,喺新界葵芳興芳路223號,由兩棟寫字樓:新都會廣場一座、新都會廣場二座,同基座商場新都會廣場組成。商場歸入大型商場一類。新都會廣場喺港鐵葵芳站對面,葵青劇院側邊。兩幢寫字樓,六字樓或者七字樓起計,高卅五到卅六層。而商場就有五層高,面積五十四萬平方呎。新都會廣場由新鴻基地產起兼打理,喺一九九三年正式開張。新都會廣場寫字樓,比周圍嘅樓高好多,夜晚燈光招牌,遠遠都睇到。
遠眺新都會廣場
新都會廣場入口,向興寧路同葵芳站