歐洲
地球七大洲之一,喺亞歐大陸嘅西北部 / From Wikipedia, the free encyclopedia
歐洲(粵拼:au1 zau1;Europe),全名歐羅巴洲(粵拼:au1 lo4 baa1 zau1;Europa),傳統上,算係地球嘅七大洲之一。雖然多數叫做大洲,但其實係同亞洲連埋嘅一整塊大陸,叫歐亞大陸。所謂歐洲純綷係政治角度嘅分野。地理上嚟講,歐洲係一個喺歐亞大陸西邊嘅半島,或者叫次大陸。歐洲北臨北冰洋,西極大西洋,南望地中海同埋黑海,東就則連住亞洲。烏拉爾山同裏海一帶就係同亞洲分界。
Quick Facts 面積, 人口 ...
面積 | 10,180,000平方公里 |
---|---|
人口 | 742,073,853(2017年) |
人口密度 | 72.9每平方公里 |
居民稱謂 | 歐洲人 |
國數 | 44個聯合國成員國同5個有限承認國家 |
語言 | ~225種語言 |
標準時間 | UTC-1 至 UTC+5 |
所用頂級域名 | 指呢個大洲喺互聯網度用嘅頂級域名 |
最大城市 |
Close
七大洲之中,佢嘅面積係尾二大嘅——一千零三十萬平方千米到,佔世界陸地百分之二左右。大過澳洲一啲。但係人口就係第三多,排喺喺亞洲同非洲後面,總共有七萬零五千萬,佔全部百分之十一咁上下。
歐洲,尤其係古希臘,係西方文化嘅發源地。16世紀開始歐洲多個國控制咗世界多個地方。歐洲亦係兩次世界大戰嘅主要戰場,亦令歐洲喺世界嘅影響力俾美國同埋蘇聯取代。冷戰期間歐洲俾鐵幕分開東西兩邊,分別由華沙公約組織同埋北大西洋公約組織影響。後來歐洲一體化,歐洲委員會同埋歐洲聯盟相繼喺西歐成立,兩個組織喺1991年蘇聯解體之後向東擴張。