From Wikipedia, the free encyclopedia
武漢肺炎比利時疫情係介紹武漢肺炎喺比利時嘅爆發情形。截至2020年10月31號,比利時累計有429,229單確診病例,死咗11,625個人。
呢版要更新,以反映最新情況。加完料之後唔該拎走個模。 |
有住荷法文拗數嘅比利時喺2020年2月4號出現第一單武漢肺炎個案,患者係位54歲男人,喺有疑似感冒症狀後轉院到布魯塞爾時被確診爲不明疾病,後嚟進一步得知佢感染嘅係嗰時中國湖北武漢爆得好犀利嘅武漢肺炎[1][2]。出咗噉嘅大頭佛之後,政府都開始加強防範武漢肺炎輸入。之後嗰位54歲男人成為2月份唯一感染武漢肺炎嘅患者。
2020年3月1號,比利時出現第二單感染武漢肺炎個案,嗰時有位講荷蘭文嘅女士喺法國上法蘭西華盧華-克里皮玩完返嚟時被確診。因為嗰時屬學校放假最後一日[註 1],由於期間有好多當地嘅大中小學生去咗滑雪,加上嗰時屬學校學生返程高峰,所以亦有當地官員擔心咁多客流,會唔會造成當地國家出現大面積感染武漢肺炎。
不過話口未完,第二日出咗六單確診個案,其中五單出自荷蘭文區嘅法蘭德斯;重有單出自荷法文拗數嘅布魯塞爾。而且佢哋都喺意大利北邊玩完返到比利時後被確診[4]。
第三日又出多五單確診個案,患者都出自弗拉芒-布拉班特省提能[5]、東法蘭德省聖尼古拉斯[6],李耶莒省韋維埃同埃龍[7][8]。到3月4號,感染個案開始直線上升,甚至喺3月5~6號先後突破五十同一百大關;國際婦女節啱好出現200單感染案例,但嗰時未出過單死亡個案。
2020年3月10號,國內發生咗第一單感染武漢肺炎死咗嘅個案[9],患者係位90歲布魯塞爾籍嘅阿婆[9]。隨後第二日又出兩單死亡個案。正因爲噉,政府先至出面宣佈唔畀搞超過1000人嘅聚集活動[10]。國內冚唪唥學校都取消嗮涉及長途旅遊(包括遠足)等事務,公司方面重鼓勵實施遠程辦公[11]。
3月13號,感染個案去到559單,死亡個案維持唔變。不過當日午夜開始,冚唪唥酒吧、餐廳、的士高、咖啡舖等商業舖面都要閂檔、學校等教育設施都要停課、體育等文娛設施都一律停辦[12]。三日後,由於感染案例破咗一千大關,亦多咗兩位武漢肺炎死者。比利時嘅國家保障部宣佈從3月17號中午(UTC+1)開始,冚唪唥同疫情無關嘅商舖同企業、公司都要閂檔;連唔緊要嘅旅遊都拒絕再接受信號;連任何形式嘅聚會都唔畀搞[13]。到3月20號爲止,由於感染個案破咗二千大關,死亡個案上升到37單。政府亦宣佈閂埋邊境嚟防止輸入性病例,除非緊急需要之外,其它情況都唔畀過境[14]。
到3月29號為止,感染同死亡個案重係持續上升趨勢。當日感染個案已經破咗一萬大關,死亡個案破埋四百大關。踏入4月之後,感染個案重未停過,單純死亡個案,喺4月2號破咗一千大關。嚟到4月6號,感染個案已經破咗二萬大關;死亡個案喺4月7號破埋二千大關。正因爲疫情太過犀利,比利時足協喺同月4號宣佈國內冚唪唥足球聯賽都要腰斬[15]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.