湘江

  呢篇文講河。想搵同名嘅公社嘅話，請睇湘江人民公社。

湘江（粵拼：soeng1 gong1；湘語音標：siɔ̃⁴⁴ ziɔ̃³¹），又叫湘水（soeng1 seoi2；湘語音標：siɔ̃⁴⁴ swɛ¹³），係流喺中國南部嘅大江之一，佢流過湖南省，注入到洞庭湖，係長江右岸嘅主要支流，亦係湖南最大嘅河，流域面積有9萬4721平方公里^[2]，全長948公里^[2]，一年平均流量722億立方米。湘江係湖南簡稱「湘」嘅來源。

28°59′11.9″N 112°54′54.7″E

湘江
湘水
河
流過湖南省城長沙嘅湘江 流過湖南省城長沙嘅湘江
國	中華人民共和國
省/州/邦	廣西、湖南
屬於	長江
支流
- 左邊支流	海洋河、西坡河、鹹水河、白沙河、萬鄉河、洮水、宜湘河、紫水河、蘆洪市河、石溪江、祁水、白河、栗江、車江、銅橋巷、蒸水、白鷺港、龍陰港、烏石舖、荊陂河、紫荊河、涓水、漣水、靳江河、雷鋒河、馬家河、溈水、新河
- 右面支流	漠川河、建江、長亭江、灌江、鶴崗河、石期河、瀟水、白水、浯水、宜水、舂陵河、管子河、耒水、龍溪河、白衣港、白馬堰、洣水、小港、淥水、楓溪港、栗江、瀏陽河、撈刀河、沙河、文經港、灣河、白水江
分流	五夾河
城市	興安、全州、永州、祁陽、衡南、衡陽、衡山、株洲、湘潭、長沙、望城、湘陰
源頭	白石鄉石柱村近峰嶺（湘江西源）
- 位置	中國廣西興安
- 海拔	2,000米（6,562呎，6,000尺）
- 座標	25°25′48.9″N 110°44′42.3″E
次源	紫良瑤族鄉野狗嶺（大橋河）
- 位置	中國湖南藍山
- 座標	25°13′21.2″N 112°5′8.4″E
河口	洞庭湖
- 位置	中國湖南岳陽
- 座標	28°59′11.9″N 112°54′54.7″E
長度	948千米（589哩，1,896里）
流域面積	94,721 km²（36,572 mi²）
流量
- 平均流量	2,370 m³/s（83,696 ft³/s）
洞庭湖水系圖，當中黃色嘅係湘江流域 洞庭湖水系圖，當中黃色嘅係湘江流域
支流、河口、河源、城市、分流等地理資訊可查[1]。

河道

喺《水經注》呢啲古文獻中，因爲靈渠（中文：靈渠）貫通咗湘江同灕江，而以爲貫通佢哋嘅海洋河係湘、灕二江嘅源頭^[2]，所以古人認爲湘江發源自廣西桂林靈川嘅海洋山^[3]，以爲流過海洋墟嘅海洋河係佢嘅源流。到咗如今，傳統上認爲湘江發源喺興安白石鄉石柱嘅近峰嶺，2011年湖南省主持水利普查，勘查結果認爲源頭應該係湖南永州藍山嘅大橋河，發源喺紫良嘅野狗嶺^[2]，而將傳統上興安嘅水源改叫湘江西源^[1]。

從湘江西源出發，條河喺廣西內向東北方向流。透過靈渠運河嘅連結，流入運河嘅水有70%回流返湘江，而有30%嘅水流入灕江。湘江入湖南省嘅地方係湖南永州東安嘅瀑埠頭。湘江全長嘅948公里之中，有670公里左右喺湖南省內，係湖南最大嘅江，亦係長江大支流之一。

自東安開始，條河一路向北，然後匯入各路支流嘅河水：喺永州市境內流入紫水、石期河、瀟水、應水同白水；喺衡陽匯入蒸水同耒水（中文：耒水）；喺衡山流入洣水；喺株洲嘅淥口匯入淥水；喺湘潭匯入漣水（中文：涟水 (湘江支流)）；喺長沙市中心匯入瀏陽河同撈刀河（中文：撈刀河）；喺望城嘅新康同高塘嶺一帶匯入潙水（中文：沩水河）。到岳陽湘陰嘅濠江口時，湘江分成左右兩支水流，一齊注入洞庭湖，透過呢個湖連結長江。

湘江有2157條支流，而喺當中嘅主要支流，屬東岸嘅有瀟水、耒水、洣水、淥水、瀏陽河，屬西岸嘅有祁水、蒸水、涓水、漣水、潙水。

條江通過嘅市區同縣份有：興安縣、全州縣、東安縣、永州市區、祁陽縣、衡南縣、衡陽市區、衡山縣、株洲市區、湘潭市區、長沙市區、望城區（曾經係縣份）、湘陰縣。

流域

湘江流域幾廣大，佢位於長江嘅南側、南嶺山脈嘅北面。東面嘅羅霄山脈係佢同贛江（gam3 gong1）水系嘅分水界，西面嘅衡山山脈將佢同資水水系劃分開。9萬4721平方公里^[2]嘅流域面積裏頭，有8萬5300平方公里屬湖南省，相當於係湖南省面積嘅40%。

流域主要都市

湖南中北部嘅湘江流域形成咗都市圈，當中嘅核心城市有：

• 衡陽
• 株洲
• 湘潭
• 長沙

攷

1. 天地圖 互聯網檔案館嘅歸檔，歸檔日期2019年3月13號，.。
2. 〈湘江源頭位置獲得重新確定〉。《科學網》。2013年5月23號。喺2019年4月4號搵到。
3. 〈《廣西通志·自然地理志》第二篇 地貌 第一章 山地 第一節 桂東北山地〉。《廣西地情網》。原著喺2018年11月17號歸檔。喺2019年4月6號搵到。

睇埋

• 洞庭湖
• 長江
• 灕水
• 沅江
• 資江（中文：资水）