牧童笛
From Wikipedia, the free encyclopedia
牧童笛(Recorder),有人會叫佢木笛或者直笛,係樂器一種。佢屬於木管樂器,係條直身長管,唔使靠簧來發聲,同哨子差唔多。笛嘴有吹口,笛身有八個窿,另有兩個細窿響尾個兩窿整半音,笛身頭上有個尖板嘅開口。係由口吹氣過笛嘴嘅窄管,窄管嘅氣撞落尖板,令到空氣振盪。笛身窿就用嚟控制音高。
牧童笛嘅歷史悠久,依家保存到最耐嘅牧童笛係14世紀。更加古老嘅西洋畫上面有類似嘅笛,不過最早幾時出現重未有定論。牧童笛曾經風行幾個世紀,曾經組成78支笛嘅樂團。去到18世紀先至沒落。直至到成20世紀,同唔少古樂器一樣,俾人搵出來推廣。家下係好流行嘅教學樂器。