From Wikipedia, the free encyclopedia
瑜鹵允浩(韓文:
鄭允浩1986年2月6號響韓國光州光山區出世,有一個細妹[2]。佢有唔少屋企人係做檢察官[3]。佢先後畢業於眉山初等學校、月桂中學校同埋光一高等學校,由小學開始就中意跳舞,夢想係成為一名歌手。為咗獎金[4],佢參加第一屆SM Best選拔大會,響獲得舞蹈獎冠軍[5]後畀SM娛樂發掘,2000年底成為SM旗下練習生。由於佢老豆響亞洲金融風暴入面破產,屋企收入唔好,所以並唔支持佢嘅歌唱事業,仲切斷佢嘅所有經濟來源,令佢有一段時期露宿街頭[2],需要靠打工嚟維持收入[3]。後嚟寄宿響同公司練習生金俊秀嘅屋企[4]。
2011年,佢畢業於明知大學電影音樂學系,後嚟響青雲大學產業技術經營大學院放送音樂學獲得碩士學位。
鄭允浩響2001年開始正式接受練習生訓練。無耐,佢就因為荷爾蒙分秘失調而進行手術,令到聲帶受損,一度打算放棄訓練。佢為咗堅持夢想,加上公司唔肯放棄,最後佢就繼續成為練習生[6]。同年年尾,佢響Dana嘅第一張單曲入面擔任伴舞[7]。2002年,佢同另一位練習生金在中成為男團神話嘅伴舞,兼且響同年同希澈、強仁(現Super Junior成員)組成男團「Four Season」,本身已經打算出道,不過最後計劃流產。
2003年,鄭允浩以藝名「瑜鹵允浩」作為SM旗下男團「東方神起」嘅隊長身份出道,而「瑜鹵」本身係佢由高中開始一直使用嘅外號。不過佢響日本活動個陣嘅藝名係「允浩」,而佢拍電影同電視劇個陣會用本名「鄭允浩」,唔會用「瑜鹵允浩」呢個名。
東方神起一出道就大受歡迎,憑《"O"-正.反.合.》、《MIROTIC》等獲得金唱片獎、首爾歌謠大賞唔同獎項,成為當時韓國最紅嘅男團之一。但響2009年,成員英雄在中、秘奇有天同埋細亞俊秀同SM有合約糾紛,宣佈離開SM,東方神起因而暫停活動,直至2011年以單曲《Tone》復出。目前東方神起剩底嘅成員有瑜鹵允浩、最強昌珉。
2015年5月25號,瑜鹵允浩宣佈會響日本發行第一張EP《U KNOW Y》。呢張EP只限東方神起響日本粉絲俱樂部Bigeast嗁成員買,而且係限量版,響7月8號發行。
2015年7月21號佢宣佈入伍,響韓國陸軍第26機械化步兵師團軍樂隊服役,獲頒稱號「特級戰士」[8]。2017年4月20號退伍。
2019年6月12號,佢嘅第一張韓文EP《True Colors》正式發行。
2020年12月,佢宣佈將會回歸韓國樂壇。2021年1月18號,佢發行第二張韓文EP《Noir》。
2022年2月9號,佢嘅第二張日文EP《You Go Ahead》發行。
響2004年至2008年期間,佢間中會客串電視劇,就好似《初戀》、《Nonstop 4》[9]。
2009年,鄭允浩響電視劇《向大地頭球》扮主角「車奉君」,正式開始發展個人演藝事業[10]。但佢因為演技差而受到批評,而呢套電視劇響商業上嚟講亦係非常失敗[9]。
2010年9月,佢主演舞台劇《宮》,係佢第一次拍舞台劇[11]。2012年11月,佢主演舞台劇《光化門戀歌》,並響日本公演[12]。
2013年,佢響電視劇《野王》入面扮「白道勳」,呢次演出引起好多人關注,為佢赢盡好評,認為佢演技有所改善[9]。呢套作品亦令佢獲得個一年首爾國際電視節嘅「觀眾投票最高人氣獎」。
2014年,佢主演電視劇《更夫日誌》,因為演技同埋感情表達出色而受到大眾讚賞,認為佢已經成為一個「真正嘅演員」[13]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.