環保連接系統
From Wikipedia, the free encyclopedia
環保連接系統(俗稱啟德單軌鐵路;英文:Environmentally Friendly Linkage System,縮寫:EFLS)係香港一個已經被擱置咗嘅單軌鐵路計劃,原本由香港政府建議斥資120億港元喺啟德發展區興建全長9公里嘅架空單軌鐵路系統[1],設有12個鐵路車站,主要服務九龍啟德、九龍灣同觀塘,最初預計最快喺2020年底動工,2023年投入服務[2][3],預計到咗2031年每日載客量可以達到200,000人次,佔九龍東發展區15%嘅公共運輸乘客量。呢個系統係《啟德發展計劃》同埋發展局策劃嘅《起動九龍東》計劃內容之一[4],諮詢工作喺2011年開始,坊間反應一般[5],2015年7月立法會財委會通過咗涉及約9,230萬港元嘅可行性研究撥款申請,但喺《2020年施政報告》入面話呢個計劃已經被擱置咗,並由「多元組合」模式嘅連接系統取代[6]。