![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f3/Apa%25C4%25BC%25C4%2581_galda_diskusija_%25283631617913%2529.jpg/640px-Apa%25C4%25BC%25C4%2581_galda_diskusija_%25283631617913%2529.jpg&w=640&q=50)
知識管理
From Wikipedia, the free encyclopedia
知識管理(粵拼:zi3 sik1 gun2 lei5;英文:knowledge management,KM)係大細嘅組織裏頭都可以有嘅一堆策略同管理做法,旨在整、搵、記低、收納、分發同埋運用組織成員嘅知識,目的係想提升個組織嘅表現[1][2]。
![Thumb image](http://upload.wikimedia.org/wikipedia/commons/thumb/f/f3/Apa%C4%BC%C4%81_galda_diskusija_%283631617913%29.jpg/640px-Apa%C4%BC%C4%81_galda_diskusija_%283631617913%29.jpg)
舉個簡單例子:想像麥當勞家陣要做 KM,麥當勞賣快餐,會想研究「炸薯條點整先至好味」嘅問題;佢哋研發部門會做研究,例如試吓幾款鹽量唔同嘅炸薯條邊款好食啲(知識);而且餐廳經理等嘅前線人員又會對條問題有睇法同經驗(都係知識);同麥當勞做 KM 嘅管理人員就會思考(例如)點樣運用企業入面嘅制度或者資訊系統,鼓勵呢啲人員交流自己嘅知識,從而達致「確保管理層手上有嗮答到『炸薯條點整先至好味』呢條問題嘅知識」噉嘅目的,進而提升成間企業嘅表現[3]。
KM 喺 1990 年代嗰陣經已存在[4],隨後變成管理學一環,涉及組織文化、人力資源管理、資訊科技同資訊系統。喺商業環境之下,企業會用 KM 提升競爭力,會用數碼方式紀錄知識,又會用網絡分享知識[註 1];非牟利組織亦都會用到 KM,好似維基百科本身同 MediaWiki 都係 KM 系統嘅一種[5][6]。