票站調查
From Wikipedia, the free encyclopedia
票站調查(Exit Poll)即係喺選舉票站出口,見到啲人一投完票出嚟,即刻做對投票結果訪問嘅一種民意測驗。喺外國,做調查嘅機構通常係報章或者電子傳媒出錢請佢哋做,方便佢哋喺點票結果公布前,盡早估算投票結果,因為某啲地方點票可能要幾個鐘頭甚至幾日先至完成。票站調查另一個主要目的,係為咗可以分析同解讀選民嘅投票行為,立即知道選舉民情同形勢。所以,世界上好多學者都會同組織合作做票站調查,同埋分析有關嘅數據[1]。
荷蘭社會學家兼政治人Marcel van Dam(荷蘭文:Marcel van Dam)公認係票站調查嘅發明人,喺1967年2月15號嘅荷蘭議會選舉時首創票站調查。[2]