第19屆韓國總統選舉

第19屆韓國總統選舉響2017年5月9號舉行。

第19屆韓國總統選舉
韓國選舉政治專題
‹ 2007 •  • 2022 ›
2017年5月9號
選舉類型				總統
選舉制度				單選區簡單多數制
選舉統計
‎總投票百分比
							77.2% ▲ 1.36%
File:Moon Jae-in presidential portrait.jpg			1 文在寅－共同民主黨
			投票數				13,423,800
									41.08%
			2 洪準杓－自由韓國黨
			投票數				7,852,849
									24.03%
			3 安哲秀－國民之黨
			投票數				6,998,342
									21.41%
			4 劉承旼－正黨
			投票數				2,208,771
									6.76%
File:Sim Sangjung and Moon Jaein in 2015 (cropped to Sim).jpg			5 沈相奵－正義黨
			投票數				2,017,458
									6.17%
選票分佈圖
13,423,800   共同民主黨						7,852,849   自由韓國黨
大韓民國總統
選前 黃教安 獨立人士						選後 文在寅 共同民主黨

背景

響2017年3月10號，受南韓干政風波困擾嘅總統朴槿惠，因為呢場風波俾憲法法院通過彈劾而落台。按憲法規定，總統被彈劾落台之後60日內要舉行大選，所以原本12月20號或之前舉行嘅總統選舉要提早七個月舉行，由以往十二月嘅冬天改到五月舉行，適逢係玫瑰花季，當地傳媒紛紛叫呢場係玫瑰選舉^[1]。響選舉之前由總理黃教安署任總統。

提前投票

為咗提高投票率，2013年嘅國會補選首次引入提前投票，2017年4月尾已經響全球一百一十六個國家，開放畀境外選民投票，而5月1號就舉行咗為期四日嘅海上投票，畀響海上做嘢嘅選民提前響船上投票，到5號就畀選舉當日唔能夠到居住地附近票站嘅選民投票，呢個方法大幅提高年輕人嘅投票意欲^[1]。

分析

由於共同民主黨前黨魁文在寅一直響民意調查大幅領先其他候選人，即管參選人數多，選舉氣氛一直唔太熱烈，提前投票係唔係可以提高投票率成為疑問^[1]。

候選人

共同民主黨

5月3號，共同民主黨候選人文在寅去到慶尚南道馬山市出席造勢活動時，呼籲在場幾千名支持者踴躍投票。佢承諾一旦當選，會增撥政府資源，推動馬山市發展製造業，尤其係造船業。之後又轉到附近嘅晉州市，揚言會盡力為政府帶來改變，團結南韓國民^[2]。

自由韓國黨

執政嘅自由韓國黨推選洪准杓做總統選舉候選人^[3]。

洪准杓係慶尚南道市長，佢響黨內選舉攞到五成四選票，壓倒其他對手。不過，蓋洛普民意調查話，洪准杓響咁多個可能參選總統嘅政客入面，民望只係排第五，支持率只有4%；排第一嘅共同民主黨前黨魁文在寅，支持率有三成一^[3]。

5月3號，洪准杓第三度去釜山拉票。

國民之黨

國民之黨候選人安哲秀就到西南部嘅全羅北道拉票。佢承諾會響當地興建國際機場同航空維修保養基地^[2]。

民意調查

4月27號，調查話最大在野黨共同民主黨總統候選人文在寅支持率係百分之四十四點四，係國民之黨候選人安哲秀差唔多兩倍，傳統右翼自由韓國黨候選人洪准杓，支持率係百分之十三排第三。調查又話，文在寅支持率響今個禮拜下跌兩點三個百分比，結束連升四個禮拜嘅勢頭，但係安哲秀跌幅就更大，達到五點六個百分比^[4]。

5月3號，最新民意話文在寅支持度高達四成二，安哲秀同洪准杓同樣以接近一成九支持率，並列第二^[2]。

攷

1. （繁體中文）南韓總統選舉提前投票冀提高投票率，now新聞，2017年5月5號搵到。
2. （繁體中文）南韓總統候選人馬不停蹄拉票，now新聞，2017年3月3號搵到。
3. （繁體中文）南韓執政黨推選洪准杓參選總統　民調顯示支持率僅4%，香港電台，2017年3月31號。
4. （繁體中文）韓大選民調：文在寅支持率是安哲秀的接近兩倍，香港電台，2017年4月27號。