銀河系入邊有好多紅矮星。呢啲紅矮星周圍可能會有可居住帶。研究紅矮星可住帶有助人類揭示地外生命嘅存在方式。而家就紅矮星嘅特點嚟睇,有啲因素唔利於紅矮星周圍行星產生生命,譬如話紅矮星能量輻射量細,會令到可居住帶個範圍縮細;重有潮汐鎖定效應、恆星變光現象,都會阻礙繞行紅矮星嘅行星產生生命。亦都有有利嘅因素,譬如話喺宇宙入邊紅矮星數量極多、紅矮星生命周期特別長呢啲。
褐矮星數目重多過紅矮星。之不過,就啲人而家知嘅嚟講,佢哋輻射出嚟嘅嗰一啲啲能量好快就會散盡,根本就冇可能支撐生命;而且一般嚟講佢哋都唔係恆星。