量子穿隧效應

喺量子力學裡邊，量子穿隧效應係指一啲微觀粒子可以穿過位勢壁壘嘅量子行爲。位勢壁壘嘅能量高過粒子嘅總能量嘅話，喺經典力學入邊粒子係無可能穿過嘅，但係用量子力學理論就解釋到。

量子穿隧效應示意圖。粒子穿越高位勢壁壘嘅過程入面，量子幅唔會即刻變零，而係會呈指數衰變，所以，粒子抵達位勢壁壘嘅另一邊嘅概率都會降低。